"Real"ın futbolçusu Luka Modriç iki klubun maraq dairəsindədir.
Ednews "Marca"ya istinadən xəbər verir ki, bunlar ötən gün Kriştiano Ronaldonun transferini açıqlayan Səudiyyə Ərəbistanının "Əl-Nəsr" və ABŞ-ın "İnter Mayami" klublarıdır. Ancaq 37 yaşlı yarımmüdafiəçinin ən az bir mövsüm də "Real"da qalmaq istədiyini bildirilib.
Sözügedən klublar gələn il Modriçi transfer etməyi planlaşdırır.
Qeyd edək ki, Modriçin Madrid klubu ilə hazırkı müqaviləsi bu mövsümün sonuna kimi hesablanıb.O, bu mövsüm "Real"da bütün turnirlərdə 18 oyuna çıxıb və 5 qol vurub.