İlon Mask çip istehsalçısı Nvidia-nın səhmləri üçün dəstək aldı.

Ednews ntv.com-a istinadən xəbər verir ki, Maskın süni intellekt təşəbbüsü xAI investorlardan 6 milyard dollar toplayıb.

Mask xAI superkompüterini yaratmaq üçün Nvidia-nın H100 qrafik prosessorundan istifadə edəcək.

Maskın öz çiplərindən istifadə etməyi planlaşdırdığı xəbərindən sonra Nvidia səhmləri 7 faizdən çox artaraq 1140 dollara çatıb. Son üç gündə artım 20 faizə yaxınlaşıb.

Nvidia səhmlərindəki artım son balans hesabatındakı müsbət məlumatlardan sonra 1000 dolları keçdi. Süni intellekt çiplərinə tələb artmağa davam etdiyi üçün aprelin 28-də sona çatan 3 aylıq dövrdə şirkətin gəliri illik 262 faiz artıb.

Bu arada, Nvidia-nın bazar dəyəri dünyanın ikinci ən dəyərli şirkəti olan Apple- a çox yaxınlaşıb .

Nvidia-nın bazar dəyəri 2,81 trilyon dollara yüksəldiyi halda, Apple-ın bazar dəyəri 2,91 trilyon dollar civarındadır. Siyahının başında 3,2 trilyon dollar dəyərində olan Microsoft şirkəti qərarlaşıb.

Bu ilin ən effektiv göstəricisini qeyd edən şirkət ilin əvvəlindən 137 faiz artıb.

Xəyal