FIFA hər ölkədə Pelenin adını daşıyan stadionların olmasını istəyir - ednews.net

2 Fevral, Cümə axşamı

(+994 50) 229-39-11

FIFA hər ölkədə Pelenin adını daşıyan stadionların olmasını istəyir

İdman A- A A+
Beynəlxalq Futbol Federasiyası (FIFA) digər futbol təşkilatlarının üzvləri ilə braziliyalı üçqat dünya çempionu Pelenin şərəfinə hər ölkədə ən azı bir stadionun adının dəyişdirilməsi imkanını müzakirə edir.
 
Ednews ESPN-yə istinadən xəbər verir ki, bu barədə FIFA rəhbəri Canni İnfantino açıqlama verib.
 
Yanvarın 2-də Braziliyanın “Santos” klubunun San-Paulu ştatının eyniadlı şəhərindəki stadionunda dekabrın 29-da 82 yaşında dünyasını dəyişən Pelenin anım mərasimi keçirilir. İnfantino braziliyalı ilə vida mərasiminə qatılıb.
 
“Mən onun xatirəsini ehtiramla yad etmək üçün buradayam. Biz əvvəllər beynəlxalq federasiyalarla yerli futbol çempionatlarının hər oyunundan əvvəl onun şərəfinə bir dəqiqəlik sükutla yad edilməsi barədə danışmışıq. Amma biz həm də istəyirik ki, hər bir ölkədə Pelenin adını daşıyan heç olmasa bir stadion olsun. 50, 100 il keçəcək, uşaqlarımız bizdən onun haqqında soruşacaq, bütün bunlar Pelenin xatirəsini uzadar. Bunun olacağına əmin olmalıyıq”, - İnfantino bildirib.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...