"Qalatasaray" Türkiyədə baş verən zəlzələdən zərərçəkənlərə yenidən yardım edəcək.

 

Ednews "NTV Spor"a istinadən xəbər verir ki, bu haqda klub prezidenti Dursun Özbek açıqlama verib. O, bildirib ki, İstanbul təmsilçisi fəlakət səbəbindən evsiz qalanlar üçün 250 mənzil tikdirəcək.

 

Daha əvvəl "Qalatasaray" zərərçəkənlərə görə konteyner ev və səyyar ayaqyolu kampaniyası da başladıb. Həmçinin komanda "Roma" ilə xeyriyyə oyunu keçirəcək. Əldə olunan gəlir isə zəlzələ bölgələrinə göndəriləcək.

 

Qeyd edək ki, fevralın 6-da Türkiyənin bir neçə bölgəsində güclü zəlzələ baş verib. Fəlakət nəticəsində 43 min nəfərdən çox şəxs həyatını itirib.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary