Ermənilər əsas diqqəti üç istiqamətə yönəldəcəklər
Ermənistanda Qarabağ müharibəsi ilə bağlı narazılıqların artması müdafiə naziri Viqen Sarkisyanı indiyə kimi görünməmiş addım atmağa sövq edib.
Ermənistan müdafiə nazirliyinin yanında "Silahlı qüvvələrin mediası" dövlət qurumu yaradılacaq. “NEWS.am” bildirir ki, Viqen Sarkisyan bunun layihəsini artıq hökumətə təqdim edib.
Quruma üçə yaxın müstəqil fəaliyyət göstərən idarə də qatılacaq. Rəsmi məlumatda iddia edilir ki, qurumun əsas məqsədi ordu ilə ictimaiyyətin əlaqələrini möhkəmləndirmək, gəncləri vətənpərvərlik ruhunda tərbiyə etmək və milli özünü dərki gücləndirməkdir.
Əslində, bu sözlərin arxasında erməni cəmiyyətində son 25 ildə Qarabağın işğalı ilə bağlı yaranmış ciddi problemlər durur. Birinci problem əsgər ailələri ilə hakim klan arasında övladlarının xidmət yeri ilə bağlı qarşıdurmadır. Ermənistanda böyümüş, lakin hərbi xidməti Qarabağda keçən əsgərlərin anaları tez-tez küçələrə çıxaraq övladlarının xidmət yerinin Ermənistana dəyişməyi tələb edirlər. Bu qadınlar hətta İrəvanda Prezident Administrasiyasının qarşısında günlərlə davam edən piketlər, etiraz aksiyaları keçirirlər. Aprel döyüşlərindən sonra Ermənistan ordusu erməni xalqının gözündə korrupsi ya ocağına çevrilib və bu, mətbuata da tez-tez sirayət edir. Döyüşlər zamanı aydın oldu ki, komandirlər hətta tanklar üçün nəzərdə tutulmuş benzini belə satmaqdan çəkinmirlər.
Bu cür korrupsiya əməlləri bu gün də davam edir və erməni mətbuatı Viqen Sarkisyanla da bağlı belə korrupsiya faktları ortaya çıxarırlar.
Məsələn, juranlist Marianna Qriqoryanın rəhbərlik etdiyi "medialab.am" saytında dərc edilmiş karikaturada Müdafiə Nazirliyinin ötn il gül və gül kompozisiyalarının alınması üçün dövlət büdcəsindən 7 milyon dram (təqribən 14 min dollar) xərcləməsi lağa qoyulur. Karikaturada gül buketinin önündə dayanmış müdafiə naziri, ondan arxada ayağının birini itirmiş əsgər və əsgərə corab tayı göstərən komandir təsvir olunub. Karikaturada Müdafiə Nazirliyinin gül dəstələri üçün 7 milyon dram xərclədiyi qeyd olunur. Və komandir əsgərə deyir: “Sənin bir ayağın var, deməli corabın bir tayı da bəsindir”. Yəni bu, erməni cəmiyyətində ordudakı vəziyyət barədə barədə ictimai rəyin inikasıdır.
Buna görə, erməni analar uşaqlarını Ermənistan ordusuna vermək istəmirlər və oğlanlar 15-16 yaşına çatanda bir yolla Ermənistandan çıxarılaraq Rusiyaya göndərilir. Bunu statistika xidmətinin rəqəmləri də süğut edir. Əgər Ermənistanda hər il natamam orta məktəblər 30 min şagird bitirirsə, orta məktəbi bitirənlərin sayı 20 minə düşür. Yəni 10 minə yaxın gənc ölkəni tərk edir ki, bunun da böyük hissəsini oğlanlar təşkil edir. Buna görə də, ölkə də çağırış yaşına çatmış 6-7 min gənc qalır ki, bununla nəinki Ermənistan ordusunu, heç Qarabağda sayı 25 minə çatan ordu hissələrini sıravi əsgərlə təmin etmək mümkün olmur. Yeni qurum ermənilər arasında vətənpərvərlik hissələrini gücləndirməlidir ki, uşaqlarını Rusiyaya qaçırmasınlar.
Yeni qurum Azərbaycana qarşı da informasiya hücumları təşkil etməlidir. Artıq bu istiqamətlərdə də işlər görülür. Məsələn, son günlərdə erməni KİV-lərində Rusiyanın Ermənistana nəzərdə tutulandan əlavə «Kornet» tipli raket əleyhinə komplekslər verildiyi iddia edilən əsassız xəbərlər yayıldı. Bu, Azərbaycan ictimaiyyəti üçün nəzərdə tutulsa da erməni gənclərində də ordularının güclü olmasına inamı artırmalı idi.
Amma istənilən halda, belə görünür ki, hələlik Ermənistanın yeni qurumu erməni curnalistlərə qarşı hücumlara daha çox üstünlük verir. Məsələn, medialab.am saytınının rəhbəri Marianna Qriqoryan öz "Facebook" səhifəsindəyazır ki, Viqen Sarkisyanın karikaturası dərc olunandan sonra ona qarşı təhdidlər təşkil edilməyə başalyıb. Hansısa qüvvələr müdafiə naziri Viqen Sarkisyanı təhqir etdiyinə görə Marianna Qriqoryanı zorlamaqla hədələyirlər. Görünür, Viqen Sarkisyanın yaratmaq istədiyi qurum hökumət təsdiqindən qabaq belə fəaliyyətə başlayıb.
