Müsəlmanların müqəddəs şəhəri sayılan Mədinədə ilk dəfə kilsə tikiləcək.
Bu barədə razılaşma Kardinal Jan-Lui Toran və Dünya Müsəlman Liqasının baş katibi Məhəmməd bin Əbdül Kərim əl-İss arasında görüş zamanı əladə olunub.
Qeyd edək ki, Vatikanın kardinalı ötən ay Səudiyyə Ərəbistanına səfər edərək kral ailəsi ilə görüş keçirmişdi. Mədinə ərazisində kilsənin tikilməsi də həmin görüş zamanı razılaşdırılıb.
Vatikan tərəfindən inşa olunacaq kilsənin Mədinənin hansı rayonunda inşa ediləcəyi hələlik açıqlanmır.
Qeyd edək ki, Səudiyyə Ərəbistanında qüvvədə olan qanunlara əsasən, bu müqəddəs şəhərin ərazisinə qeyri-müsəlman daxil ola bilməz. Bu baxımdan da Mədinədə xristian məbədin inşası şok təəssüratı yaradır və belə bir suala cavab aramağa məcbur edir: əgər bu ərazidə xristianların yaşaması və ümumiyyətlə bura daxil olması yasaqdırsa, o zaman kilsə nə və kim üçün inşa ediləcək?(faktxeber)
