Şimali Koreya lideri Kim Çen In ABŞ prezidenti Donald Trampla keçirəcəyi tarixi görüş üçün artıq Sinqapurdadır.
Sinqapur Şimali Koreya liderini maraqla qarşılayıb.
Belə ki, lideri Sinqapura gətirən “air China 747” tipli təyyarə hava limanına eniş edib. Təyyarə hələ səmada ikən “Röyters” xəbər agentliyi onun fotolarını çəkib.
Hava limanında Kim Çeni Sinqapurun xarici işlər naziri Vivian Balakrişnan qarşılayıb.
O, tvitter hesabından foto paylaşıb və “Xoş gəldin, Kim” sözlərini yazıb. Daha sonra Kim Çen onun üçün ayrılmış xüsusi limuzinlə qalacağı “St. Regis” hotelinə gedib.
Xatırladaq ki, ABŞ prezidenti ilə Şimali Koreya lideri 12 iyunda tarixi zirvə görüşündə bir araya gələcək.
Ötən il 20-dən çox raket sınağı edən və bütün dünyanın təşvişdə saxlayan Kim Çen In bu ildən etibarən sülhməramlı addımları ilə diqqət çəkir.