ABŞ daha 2 “F-35” qırıcısını Türkiyəyə göndərir | Eurasia Diary - ednews.net

20 Sentyabr, Cümə


ABŞ daha 2 “F-35” qırıcısını Türkiyəyə göndərir

Dünya A- A A+

ABŞ Türkiyəyə 2019-cu ilin martında daha iki “F-35” qırıcısı verəcək.

Eurasia Diary “Anadolu” agentliyinə istinadən xəbər verir ki, bu haqda Türkiyənin müdafiə naziri Hulusi Akar bildirib.

Onun sözlərinə görə, Türkiyəyə çatdırılacaq qırıcılar Malatyada təyyarə bazasında yerləşdiriləcək.

“Orada müvafiq infrastrukturun yaradılması üzrə intensiv işlər davam edir. Hər şey plan üzrə gedir. Üçüncü və dördüncü təyyarələr növbəti ilin martında veriləcək”, - nazir bildirib.

Qeyd edək ki, Türkiyə ən azı 100 ədəd “F-35 Lightining II” beşinci nəsil qırıcısı əldə etmək niyyətindədir. “F-35”-lər çoxmillətli proqram çərçivəsində istehsal edilir. Türkiyə proqrama 2002-ci ildə qoşulub.

Xatırladaq ki, daha əvvəl Texas ştatında “Lockheed Martin” şirkətinin müəssisəsində iki “F-35”-in təhvil verilməsi mərasimi keçirilib. Ankaraya verilmiş “F-35” təyyarələri 2019-cu ilin noyabrına qədər ABŞ-da türk pilotlarının təlimi üçün qalacaq.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...