"Saakaşvilini alman baş nazir satdı" - Amerikalı diplomatdan SENSASİON BƏYANAT | Eurasia Diary - ednews.net

14 Noyabr, Cümə axşamı


"Saakaşvilini alman baş nazir satdı" - Amerikalı diplomatdan SENSASİON BƏYANAT

Dünya A- A A+

2008-ci ilin yazında biz Vaşinqtonda Rusiya Prezidenti Vladimir Putinin qurmağa çalışdığı tələdən qaça biləcəyimiz plan hazırlamışdıq.

Eurasia Diary-ə axar.az-a istinadən xəbər verir ki, bunu ABŞ-ın Azərbaycandakı eks-səfiri Metyu Brayza deyib. Onun sözlərinə görə, Putinin o zamankı tələsi Saakaşvili üçün elə bir seçim imkanı qoymamışdı:

“O ya Abxaziya və Cənubi Osetiyanın Rusiya tərəfindən nəzarətini qəbul etməli, ya da hərbi konfliktə getməli idi. Biz qərara gəldik ki, başqa plana nəzər yetirməliyik və xeyli tədbirlər hazırladıq. Bu tədbirlərdə xüsusilə Kodor dərəsində AB polisinin yerləşməsi nəzərdə tutulurdu, lakin “Gürcüstanla dostluq qrupu”na rəhbərlik edən Almaniya nümayəndə heyəti Rusiyaya zidd bütün bəndləri siyahıdan çıxardı”.

Brayza 2008-ci il NATO-nun Buxarest sammitində ABŞ Prezidenti Corc Buşun Gürcüstana alyansa üzvlük haqqında fəaliyyət planını dəstəkləməsini təklif etdiyini, amma bu məsələnin Almaniya kansleri Angela Merkel tərəfindən bloklandığını bildirib. Diplomat eyni situasiyanın gələcəkdə də yaşana biləcəyini qeyd edib:

“Almaniya NATO üzvləri arasında hər zaman hər kəsdən çox Rusiya ilə qarşıdurmadan qaçmağa cəhd edib. Bu da onun dramatik tarixindən irəli gəlir. Ştaynmayer xarici işlər naziri olanda cəhd edirdi ki, Rusiya ilə qarşıdurma yaradacaq siyasət aparılmasın”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...