Türkiyənin keçmiş Baş naziri Məsud Yılmaz vəfat edib | Eurasia Diary - ednews.net

24 Noyabr, Çərşənbə axşamı


Türkiyənin keçmiş Baş naziri Məsud Yılmaz vəfat edib

Dünya A- A A+

Türkiyənin keçmiş Baş naziri Məsud Yılmaz vəfat edib.

Eurasia Diary xəbər verir ki, 73 yaşlı M. Yılmaz bu gün dünyasını dəyişib.

Ötən ilin yanvar ayında ağciyərində şiş aşkarlanan M. Yılmaz uzun müddət idi ki, müalicə olunurdu.

Qeyd edək ki, Ahmet Mesut Yılmaz 6 Noyabr 1947-ci ildə İstanbulda anadan olub. 1991-1999 illər arasında ümumilikdə təxminən 2 il ərzində 3 dəfə baş nazir və müxtəlif nazirliklərdə çalışıb. 1991-2002-ci illərdə Ana Vətən Partiyasının lideri vəzifəsində çalışıb. 1983-cü ildə qurulan və vitse-prezidenti vəzifəsini icra edən ANAP-ın qurucularından olub. 1983-cü ildə Rizedə keçirilən ümumi seçkilərdə ilk dəfə millət vəkili seçilib. 1986-1990-cı illər arasında Turqut Özalın qurduğu hökumətdə Xarici İşlər Naziri və Mədəniyyət və Turizm Naziri vəzifəsinə təyin edilib. 1991-ci ildə baş nazir təyin edilib. Türkiyədə 1995-ci ildəki ümumi seçkilərdən sonra qurulan koalisiya hökumətində yenidən baş nazir olub. 1997-1999-cu illər arasında da baş nazir vəzifəsində çalışıb. 2000-2002-ci illər arasında DSP-MHP-ANAP koalisiyasında dövlət naziri və baş nazirin müavini təyin edilib. 15 yanvar 2009-2011 arasında ANAP və Doğru Yol Partiyasının birləşməsi nəticəsində qurulan Demokrat Partiyasında siyasi fəaliyyətini davam etdirib. 2004-cü ildə Ali Məhkəmədə mühakimə olunub və Türkiyənin Cümhuriyyət tarixində Ali Məhkəmədə mühakimə olunan ilk Baş nazir kimi tarixə düşüb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...