Bu günlərdə, Ermənistanda növbədənkənar seçilərdə iştirak edəcək siyasi qüvvələr seçki siyahılarını hazırlamaqla məşğuldur.

Eurasia Dairy xəbər verir ki, erməni nəşri Baş nazir vəzifəsini icra edən Nikol Paşinyanın öz siyahısına iş adamlarını daxil edildiyini bildirib.

Nikol Paşinyan komandası ilə son görüşündə, heç bir şeyin asan olmayacağını bildirərək hər kəsi səbrli olmağa çağırıb. O, partiya üzvlərinin bəzilərinin adlarının siyahının aşağı hissəsində olacağını qeyd edib.

Belə ki, Paşinyan hakimiyyət orqanlarına xidmət edən bir neçə biznes nümayəndələrini də siyahıya salmağı planlaşdırır. Erməni nəşirinin yazdığına görə bu adamların ilk iyirmiliyə daxil olması ilə bağlı razılaşmalar var. Lakin bunu iqtidarda olan bəzi millət vəkilləri və hakim dairələr heç də yaxşı qarşılamayıb. Çünki onların əksəriyyəti siyahıda açıq-aşkar “aşağı” mövqe tutacaq və çox güman ki, parlamentə daxil ola bilməyəcək.

Mətbuatda yayılan məlumata görə Paşinyanın Vətəndaş Razılığı partiyasının mərkəzi qərargahında baş verən narazılığın bu proseslərlə birbaşa əlaqəsi var. Yeri gəlmişkən əlavə edək ki, bu hadisə istisna deyil və zaman-zaman qeydə alınır.

Əlavə edək ki, əyalət təşkilatlarında ümumi atmosfer nisbətən daha sakitdir.