"Helsinki həmişə NATO-ya üzv olmağa hazırlaşıb".
Ednews xəbər verir ki, bunu əslən Finlandiyadan olan beynəlxalq tərəfdaşlıq üzrə Avropa komissarı Jutta Urpilainen Almaniyanın RND media qrupuna açıqlamasında bildirib.
Avropa komissarının sözlərinə görə 1995-ci ildə Aİ-yə daxil olduqdan sonra NATO-ya üzvlük Finlandiya üçün növbəti addım olub. O, Rusiyanın Ukraynadakı hərbi əməliyyatının bu prosesə böyük təsir göstərdiyini vurğulayıb:
“Rusiya Ukraynaya hücum etməzdən əvvəl insanların çoxu Rusiya ilə yaxşı qonşu ola biləcəklərini düşünürdü. Finlərin yalnız 20 faizə yaxını NATO-ya üzvlüyün tərəfdarı idi. İndi isə 70 faizdən çoxu bu qərarın lehinədir”, - deyə Aİ rəsmisi qeyd edib.
Urpilainen İsveçin də NATO-ya üzv olmaq qərarına gəlməyinin vacibliyini diqqətə çatdırıb. Həmçinin NATO-ya üzv olmaqla, Finlandiyanın mövqeyinin güclənəcəyini söyləyib.
Xanlar Əlibəy
.png)
