Avropanın 8 ölkəsi Rusiyaya qarşı sanksiyaya və neft qiymətlərinə tətbiq edilən “tavan qiyməti”nə qoşuldu.
Ednews xəbər verir ki, bu barədə Avropa İttifaqının (Aİ) bəyanatında bildirilib.
Bu ölkələr Şimali Makedoniya, Monteneqro, Albaniya, Bosniya və Herseqovina, Ukrayna, həmçinin Avropa Azad Ticarət Zonası ölkələri - İslandiya, Lixtenşteyn və Norveçdir.
Bildirilib ki, bu dövlətlər Avropa İttifaqına qoşulmaq üçün qurumun sanksiya siyasətini dəstəkləyir.
Avropa azad ticarət zonası ölkələri Aİ-nin tətbiq etdiyi bütün ticarət məhdudiyyətlərinə əməl etməlidir, əks halda onlar boz ixrac zonasına çevrilə bilər.
