“Baş vermiş hadisənin İranın xüsusi xidmət orqanları tərəfindən törədilməsi heç bir şübhə doğurmur”. 

Bu fikirləri hərbi ekspert Ədalət Verdiyev bu gün səhər saatlarında Tehrandakı Azərbaycan səfirliynə edilən silahlı hücumla bağlı Ednews-a açıqlamasında səsləndirib. 

“İran tərəfinin ortaya atdığı versiyalar sadəcə yalanlardan ibarətdir. Qatilin erməni olması və onun guya Azərbaycan səfiliyində öz həyat yoldaşını axtarması tamamilə feyk bir məlumatdır və bu ictimaiyyətin diqqətini hadisənin mahiyyətindən yayındırmaq məqsədilə ortaya atılıb”. 

Ekspert deyir ki, hadisəni törətməkdə məqsəd birmənalı olaraq, səfirlikdə çalışan bütün əməkdaşları tamamilə qətlə yetirməkdən ibarət olub. 

“Fakt bir daha onu göstərir ki, İran əvvəl olduğu kimi də, indi də terrou dəstəkləyən əsas ölkələrdən biridir və bu barədə öz təcrübəsini növbəti dəfə Azərbaycan səfirliyinin əməkdaşları üzərində həyata keçirdi”. 

Ədalət Verdiyev əlavə edib ki, digər ölkələr də İrandakı səfirliklərinin əmniyyəti ilə bağlı bundan sonra ehtiyatlı olmalıdır. 

“Hesab edirəm bu aktdan sonra digər ölkələr də İrandakı diplomatik fəaliyyətlərinə diqqət yetirəcəklər, çünki heç bir diplomatik nümayəndəlik İrandakı fəaliyyətinə təhlükəsizlik zəmanəti yoxdur. Hücum zamanı isə İrandan olan mühafizəçilərin və polisin nə üçün fəaliyyətsizlik nümayiş etdirməsi də, böyük suallar yaradır. Bu bir daha göstərir ki, hadisə İran rəhbərliyi tərəfindən sifariş olunan bir terror aktıdır. 

Hadisəni törədən şəxs İran vətəndaşı Yasin Hüseynzadədir, onun böyük ehtimalla İranın Xüsusi Xidmət orqanları, xüsusilə də SEPAH-la əlaqəli olduğu da ehtimal olunur”,- deyə, ekspert bildirib. 

Elnur Ənvəroğlu

• Tag:
• İran rejimi
• İran
• Tehran
• Azərbaycan Səfirliyi