Ermənistan hakimiyyəti heç bir izahat vermədən Daşnaksütyun partiyasının Fransadakı gənclər birliyinin sədri Njde Karakavoryanı persona non qrata elan edib. 

 

Ednews xəbər verir ki, bu barədə partiyanın Ermənistandakı gənclər birliyi məlumat yayıb.

 

“Partiyanın gənclər təşkilatlarının üzvləri adətən vətənlərinə proqramlar və müəyyən işlər üçün gəlirlər.

 

Bu dəfə Njde fevralın 6-10-da Zəngəzurda keçiriləcək partiyanın ümumdünya gənclər konqresində iştirak etmək üçün gəlməli idi və burada dünyanın hər yerindən partiyanın gəncləri qarşıdan gələn fəaliyyətlərini birgə planlaşdıracaqdılar”, - məlumatda deyilir. 

 

Xatırladaq ki, bir neçə ay əvvəl Daşnaksütyunun iki beynəlxalq lideri (Murad Papazyan və Masis Abramyan), həmçinin Niderlanddakı “Qaregin Njde” gənclər birliyinin üzvü Syune Abramyan Ermənistanda persona non qrata kimi tanınıb. 

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary