Türkiyədə baş verən dəhşətli zəlzələlərdə dağıntılar altında qalan vətəndaşların xilasetmə işləri davam etdirilir.
Ednews xəbər verir ki, axtarış-xilasetmə qrupları və ətrafdakı vətəndaşlar dağıntılar altında olan vətəndaşlara çatmaq üçün fövqəladə səylər göstərirlər.
Dağıntıların altından ən kiçik bir səs, inilti daha bir canın xilas ediləcəyi sevinci yaşadır. Buraya insanlarla yanaşı heyvanlar da daxildir.
Baş verən zəlzələlərdə ev heyvanları da zərər görərək dağıntılar altında qalıblar. Xilasedicilər soyuqdan donmuş və saatlarla ac qalan kiçik canlara da eyni qayğıkeşliklə yanaşaraq onlara yardım göstərirlər.