MYGazete-nin baş redaktoru Mövlud Yeni pandemiya səbəbiylə bir neçə il təxirə salınan dünyanın ən böyük turizm sərgisi "İTB Berlin Turizm"lə bağlı təəssüratlarını qələmə alıb.
Ednews xəbər verir ki, "Gördüyümüz neqativlər qarşısında lal şeytan kimi susmaq ölkəmə xəyanətdir” deyən jurnalist Yeni yazısında bütün təəssüratlarını oxucuları ilə bölüşüb. Yalnız sənayenin peşəkarlarına açıq olan yarmarka ilə bağlı fikir və düşüncələrini yazan baş redaktor 3 başlıq altında gördüyü çatışmazlıqları qələmə alıb. Türkiyə stendini digər ölkələrin stendləri ilə müqayisə edən Mövlud yazır:
“Türkiyə stendinin yarısına sıxışaraq yarmarkada iştirak edib, digər rəqib ölkələr isə daha geniş və marketinq yönümlü plan ilə yarmarkaya Türkiyədən qat-qat yaxşı hazırlaşdığını gördüm.
Pandemiya səbəbilə 3 il gedə bilmədiyimiz dünyanın ən böyük turizm yarmarkalarından biri olan İTB Berlin Turizm Birjasında Antalyanın və ölkəmizin turizminin önəmli nümayəndələri ilə birlikdə olduq.
Yarmarka haqqında yazmazdan əvvəl səyahət müşahidələrimi qeyd etmək istərdim.
Məlum olduğu kimi, Antalyadan bəzi mühüm yarmarkalara şəxsi təyyarələr qalxır və yarmarkaya gedəcək turizm mütəxəssisləri sərfəli qiymətlərlə nəqliyyatla təmin edilir.
Bildiyim Korendon və SunExpress İTB Berlinə xüsusi uçuşlar təşkil edir. Biz jurnalistlər Korendon hava yolları ilə Berlinə səyahət etdik. Digər aviaşirkətə üstünlük verənlərlə danışdım. Təyyarədə şirniyyatları pulla aldıqlarını söylədilər.
"Korendon Airlines" isti yeməklərdən içkilərə qədər türk turizm peşəkarlarına yaraşan yüksək komfortlu xidmət təklif etdi. Üstəlik, bu xidməti heç bir əlavə ödəniş etmədən təklif etdilər. Sərgidə Korendon İdarə Heyətinin sədri Yıldıray Karaerlə müsahibəm zamanı ondan vəziyyət barədə maraqlandım.
Hörmətli Yıldıray “İTB-yə səfərləri üçün bizi seçən qonaqlarımızın əksəriyyəti önəmli tərəfdaşlarımız idi. Onlara ən yaxşı xidməti göstərmək Korondon ailəsi olaraq bizim borcumuz idi", - deyə cavab verdi.
Korendon ailəsinə hər kəs adından təşəkkür etmək istəyirəm. Bu cür xüsusi və fədakar xidmətlərin əlbəttə ki, müsbət qarşılığı var".
Daha sonra jurnalist sərgidə Türkiyənin turizm potensialından, ölkənin turistlərə təklif etdiyi təkliflərdən söz açıb. O, həmçinin məqaləsində Türkiyənin ilin 4 fəslində olan turizm imkanlarını da geniş təsvir edib.