Qərb ölkələri söz azadlığı və insan hüquqlarına ədalət haqqında danışsalar da, bəzən biz bunun nəticələrini çox fərqli görürük. Son zamanlar Avropada islamofobiya siyasətinin yürüdülməsi, müsəlman təbəqənin təqiblərə məruz qalması, məscidlərin müxtəlif bəhanələrlə bağlanması bunun bariz nümunəsidir.
Belə olduğu təqdirdə hansı söz azadlığından danışmaq olar?
Məsələ ilə bağlı Ednews-a danışan İlahiyyatçı Ağa Hacıbəyli vurğulayıb ki, istər Avropalı, istərsə də Asiyalı olsaq da bu dünyada birgə yaşamalıyıq.
“Lakin bəzi ölkələr bir-birinin dininə, tarixinə, mədəniyyətinə hörmət etməyi unudurlar. Bundan çox uzağa düşmüş ölkələrdən bir çoxu da Avropa ölkələridir. Özlərini dünya xalqlarının içində ən mədəni göstərən xalqlarda bu gün müsəlmanlara qarşı edilən təhqirləri görürük. Azərbaycan 44 günlük Vətən müharibəsində öz dostunu, düşmənini daha yaxşı tanıdı. Müharibədə Fransanın mövqeni gördük. İslam dini ümumi bəşər sisteminin təqdim edən bir dindir. Bu dində bir insanın ölümü bütün insanların ölümü deməkdir. Bir insanın həyatını qurtarmaq bütün insanların həyatını xilas etmək kimi göstərir. İslam dini sülh dinidir. Ən özəl tərəfi insanda mərhəmət və şəfqət hisslərinin qabardılmasıdır. Hətta İslamda olan cihat sözünü indi çox qabardırlar. O sözün mənası bir insanı cəhənnəmdən xilas etmək deməkdir. Lakin bəzi ölkələr onu batırmaq kimi qələmə verir”.
İlahiyyatçı vurğulayıb ki, kim İslamı öyrənmək istəyirsə, peyğəmbərin həyatından nümunə götürməlidir.
“İslam qorxulu din deyil. Bütün insanların qurtuluş dinidir. İslam dini heç bir kilsəni, məbədi, sinaqoqu nə dağıdıb, nə də təhqir edib. Bütün dinlərə hörmət edib. Bunun ən böyük nümunəsini indi çəkəcəyim misalda görə bilərik. Digər ölkələrdən tək istəyimiz bizim dinimizə, inancımıza hörmət etmələridir. Avropada bütün sahələr yüksək səviyyədə inkişaf etməsinə baxamayaraq, mənəviyyat böyük çöküşün içindədir”.
Hüquq müdafiəçisi Sahib Məmmədov isə deyir ki, Fransanın işğal etdiyi ölkələr içərisində müsəlman ölkələri də olub. Onlar müsəlmanlara qarşı soyqırım da həyata keçiriblər.
“Həmin ölkələrə divan tutub və əziyyət veriblər. Fransanın müstəmləkəyə çevirdiyi ərazilərdə ölkə vətəndaşı olanlarda var. Fransa da hələ də insanlar dinə görə ayrılırlar. Bunun səbəbi isə onların müsəlman olmasıdır. Buna görə də qeyri-rəsmi qanun qəbul etməklə vətəndaşların hüququnu pozurlar. Məscidlərin fəaliyyətini məhdudlaşdırlar. Bundan başqa müsəlmanların geyiminə qadağalar tətbiq edilir. Qanundan kənar ümumi müsəlmanlar izlənilir. Buna səbəb kimi onların terrorçu olmasına dair şübhələr göstərilir. Hakim dairələrdə işə düzəlmələrinə icazə verilmir. Müsəlmanların dövlət orqanlarına, seçkili orqanlarına və yerli hakimiyyət orqanlarına seçkidə iştirakı olmayan kateqoriya aid edilir. Ümumiyyətlə, qərb ölkələrinin qanunvericiliyində yüz illərlədir ki, yalnız öz xalqlarını nəzərdə tuturdular. Etdikləri hərəkətləri sindrom da adlandırmaq olar. Onlar üçün hüquq yalnız öz xalqlarından olanlar üçün qüvvədədir”.
Qeyd edək ki, İslam dininə ibadət edən insanların Avropa ölkələrində demoqrafiq vəziyyəti ilə bağlı 2017-ci ilin noyabrın sonunda Vaşinqtonda yerləşən “Pew Research Center” adlı beyin mərkəzi tərəfindən dərc olunmuş araşdırmaya əsasən, 2016-cı ilin ortaları üçün Fransa əhalisinin 8,8 faizini (5,7 milyon nəfər) müsəlmanlar təşkil edib. Almaniyanın “Statista” şirkətinin də statistik rəqəmlərinə görə Fransa əhalisinin 8 faizi müsəlmanlardan ibarətdir. Avropa şəhərləri arasında Paris şəhəri və İl-dö-Frans regionu müsəlman əhalinin sayına görə birinci yerdədir. Burada 2,8 milyon müsəlman əhalinin yaşadığı güman edilir. Fransa 67,5 milyon əhalisi ilə Avropa İttifaqı ölkələri sırasında müsəlmanların say göstəricisinə görə birinci yeri tutur. Bu rəqəmin 2050-ci ilə qədər iki dəfədən çox artacağı proqnozlaşdırılır.
Aysel Şahmar