Salmasda bu gün baş verən 5,6 bal gücündə zəlzələ nəticəsində 82 nəfər xəsarət alıb.
Ednews xəbər verir ki, bu barədə “Azad İran” “Telegram” kanalı məlumat verib.
“Bu gün səhər 10:30-a kimi Salmas şəhərində 70 nəfər təcili yardıma müraciət edib, 60 nəfər ambulator müalicə alıb, evə buraxılıb, 10 nəfərin müalicəsi davam edir və bir neçə saat ərzində evə buraxılacaq.
Xoy şəhərində 12 yaralı var, yeddi nəfər evə buraxılıb, beş nəfərin müalicəsi davam etdirilir”, - deyə Qərbi Azərbaycan əyalətinin Böhran İdarəetmə Mərkəzinin müdiri bildirib.
