Avropanın bir çox ölkəsində içki qadağası var.

Ednews Yaşıl Ayparanın "Alkoqolla Mübarizə Siyasətlərinin İcmalı" hesabatına əsasən xəbər verir ki, ictimai asayişi qorumaq üçün dünyanın bir çox yerində, xüsusilə də Avropada ictimai yerlərdə spirtli içkilərdən istifadəni məhdudlaşdıran qanunlar tərtib edilib.

Finlandiya, İtaliya, Portuqaliya, İspaniya, İsveç, İngiltərə və Latviya kimi ölkələrdə park və bağ kimi ərazilərdə spirtli içkilərdən istifadə məhdudlaşdırılıb. İspaniya, Sloveniya və Yunanıstanda idman tədbirlərində spirtli içkilərin istifadəsi tamamilə qadağandır.

Məlum olub ki, Fransa, Almaniya və Lüksemburq kimi ölkələrdə mədəniyyət və incəsənət tədbirlərində spirtli içki qəbulu tamamilə qadağan olunub.

Qeyd olunur ki, Avstriya, Bolqarıstan, Xorvatiya, İrlandiya, İtaliya, Latviya, Litva, Malta, Hollandiya, Polşa, Portuqaliya, İspaniya və İngiltərədə baş verən hadisələr zamanı qismən məhdudiyyətlər qoyulub.

Avropa ölkələrində yaşa görə spirtli içki satışının qadağan edildiyi təcrübələr də yer alıb. Qeyd olunub ki, İsveçdə yaşı 20-dən aşağı olan heç kimə spirtli məhsullar satılmır. Finlandiya və Almaniyada yaş həddinin 18 yaş və yuxarı olduğu vurğulanıb.

Xəyal Ramiz