Daha çox Türkiyə Böyük Millət Məclisində beynəlxalq müqavilələr üzrə fəaliyyət göstərən iqtidar partiyası 2019-cu ildə imzalanan və müzakirə mövzusu olan daha bir beynəlxalq müqaviləni Türkiyə Böyük Millət Məclisinin Xarici Əlaqələr Komitəsinin gündəliyinə gətirib.
Ednews birgun nəşrinə istinadən xəbər verir ki, İslam Əməkdaşlıq Təşkilatına üzv ölkələr arasında “İNTERPOL”a oxşar vəzifələrin öhdəsindən gələcək Polis Əməkdaşlıq və Koordinasiya Mərkəzinin yaradılması ilə bağlı razılaşma komissiya tərəfindən qəbul edilərək Baş Assambleyaya təqdim edilib.
Gələn həftə Türkiyə Böyük Millət Məclisinin Baş Assambleyasının gündəminə gəlməsi gözlənilən beynəlxalq müqavilə çərçivəsində 57 ölkə ortaq standartlara malik polis birliyi quracaq. Bu ölkələr arasında müqavilə imzalanan vaxt Taliban idarəsində olmayan, lakin sonradan bu qrupun nəzarətinə keçən Əfqanıstan da yer alacaq. Müqavilə 19 ölkə onu qəbul etdikdən sonra qüvvəyə minəcək.
Razılaşmaya əsasən, İslam Əməkdaşlıq Təşkilatının Polis Əməkdaşlıq və Koordinasiya Mərkəzi İstanbulda yerləşəcək. “Zorakılığa, ekstremizmə, transsərhəd və mütəşəkkil cinayətkarlığa və bütün digər cinayət növlərinə qarşı mübarizə” polisin vəzifələri sırasına daxil edilib. Tələb olunarsa, Taliban polisi də yeni təşkilat vasitəsilə təlim keçə bilər.
Təşkilatın digər vəzifələri aşağıdakı kimi müəyyən edilib:
Üzv ölkələrin polis təşkilatlarının institusional bacarıqlarını gücləndirmək.
Bilik, təcrübə və ən yaxşı təcrübələrin yaradılması.
İcraiyyə Şurasının qərarları əsasında hər cür cinayətlərlə mübarizə üçün elmi və akademik araşdırmalar aparmaq və bu araşdırmaları polis təşkilatlarına təqdim etmək.
Beynəlxalq polis hazırlığı sahəsində ehtiyac duyulan üzv dövlətləri və sorğu əsasında belə təlim verə biləcək ölkələri bir araya gətirmək və təlim proqramlarından maksimum fayda əldə etmək üçün təlim fəaliyyətlərinin əlaqələndirilməsini təmin etmək.
Türkiyə mərkəzli təşkilatın rəsmi dilləri ərəb, ingilis və fransız dilləri olacaq. Türk dili təşkilatda rəsmi dil olaraq qəbul edilməyib.
İordaniya, Birləşmiş Ərəb Əmirlikləri, İndoneziya, Özbəkistan, Uqanda, İran, Pakistan, Benin, Burkina-Faso, Tacikistan, Çad, Tunis, Toqo, Əlcəzair, Səudiyyə Ərəbistanı, Sudan, Somali, Qətər, Komor adaları, Kamerun, Fil Dişi Sahili, Küveyt, Misir, Mavritaniya, Yəmən.
Xəyal Ramiz
