Harmoniya Fondu, “Sülhün Kökləri” təşkilatının təsisçisi xanım Heydi Kühn – ə  minalanmış əraziləri kənd təsərrüfat sahələrinə çevrilməsi uğrunda, Sosial Ədalət naminə verdiyi töhfələrə görə “Tereza Ana” mükafatına layiq görülüb.

Ednews xəbər verir ki, mükafat mərasimi Hindistanın Mumbay şəhərindəki The Taj Santakruz otelində, 2008 – ci ilin noyabrın 26 – da baş verən terror aktlarına ithafən keçirilib. 

Bu tarix möhkəmliyi təmsil edir, çünki Sülhün Kökləri də 2014-cü ildə terror hücumuna məruz qalmış və əfqan fermerləri ilə həmrəy olaraq maneələri dəf etmiş, onların ərazilərində xalqın ümidlərinin məhsulu kimi fəaliyyətlərini davam etdirirlər.

Harmoniya Fondunun sədri Dr. Avraam Mathai giriş olaraq, “Haydi Kühnün Sülhün Kökləri vasitəsilə nümayiş etdirdiyi fəaliyyət, Tereza Ana Mükafatlarının ruhunu mükəmməl şəkildə təcəssüm edir. Onun müharibə yaralarını “ümid toxum”ları ilə əvəz etməsi “İnsanlıq Fəaliyyəti”nin əlamətdar nümunəsidir. Biz onun dinc və firavan bir dünya yaratmaq uğrunda fədakarlığını etiraf etməkdən şərəf duyuruq”, - deyib.

Mükafatını aldıqdan sonra xanım Kühn təşkilatının, kənd təsərrüfatı vasitəsilə sülhün “qılıncla deyil, kürək”lə edilə biləciyini söyləyərək, Müqəddəs Tereza ananın sözlərindən sitat gətirib: 
“Hamımız böyük işlər görə bilmərik, amma kiçik şeyləri böyük sevgi ilə edə bilərik”. 
Minaların təmizlənməsi və yerinə meyvə ağaclarının əkilməsi bir sülh aktıdır. Bununla belə, “Sülhün Kökləri” kampaniyamız bütün Hindistanda və bütün dünyada milyonlarla meyvə ağacı əkməklə bir addım irəli gedərək və bununla da Dünyamızın iqlimini bərpa edərək, onun nəfəs almasına şərait yaradır”.

Çıxışı zamanı xanım Kühn dünya miqyasında artan münaqişə fonunda Mumbaydakı Wilson Kollecinin tələbələrini bütün dünyada dalğalana biləcək sülh aktına qoşulmağa çağırdı. 
"Toxum əkmək bizdən dizə çökməyimizi, yerə toxunmağımızı və həm torpağı, həm də ruhumuzu bəsləməyi tələb edir. Dünya üzərində 60 ölkədə, ümumilikdə 60 milyondan çox mina salınıb. Bu sülh mövsümündə biz insanlar müharibə yaralarını sağaltmaq üçün həmrəylik aktı olaraq dinindən aslı olmayaraq, diz çöküb, yeri öpməli, bir çiçək, ağac və ya hətta meyvə bağı əkməliyik.   

Bu mükafatı Əfqanıstanda təlim keçdiyimiz 5 min qadının və minadan təmizlənmiş ərazilərdə “ümid toxum”ları əkən bütün əfqan fermerlərinin adından qəbul edirəm” – deyərək, çıxışını sonlandırıb.

Qeyd edək ki, hazırda dünyanın 200-dən çox ölkəsində, 46.000-dən çox Sülhün Kökləri komandası fəaliyyət göstərir.