ABŞ Maliyyə Nazirliyinin yüksək vəzifəli rəsmisi açıqlama verib.
Ednews cumhuriyyet nəşrinə istinadən xəbər verir ki, bəyanatda o, Amerikanın Türkiyənin HƏMAS üçün vəsait toplamasından narahatlığını ifadə edib.ABŞ rəsmisi Nelson İstanbulda Türkiyə hökumət rəsmiləri, maliyyə və biznes qrupları ilə görüşlər zamanı mətbuata açıqlama verib. "Biz Türkiyənin HƏMAS-ı gələcəkdə mümkün terror hücumları üçün maliyyələşdirməyə və maliyyə dəstəyi əldə etməyə davam etmə qabiliyyətindən dərin narahatıq" dedi.
“Əksər qərb müttəfiqlərindən və bəzi Körfəz ölkələrindən fərqli olaraq Türkiyə HƏMAS-ı terror qruplaşması hesab etmir və onun bəzi üzvlərinə ev sahibliyi edir .
Prezident Tayyib Ərdoğanın HƏMAS-ı “azadlıq döyüşçüləri” adlandırması və İsraili son həftələrdə Qəzzanı bombardman etdiyinə görə “terrorçu dövlət” olmaqda ittiham etməsi onları narahat edib.
İsrailin ən yaxın müttəfiqi ABŞ, İsrailin oktyabrın 7-də başlayan hücumlarından sonra HƏMAS-a ayrılan vəsaitləri məhdudlaşdırmaq səyləri çərçivəsində bir çox türk qurum və fərdlərinə sanksiya tətbiq edib.
Vaşinqton bildirir ki, HƏMAS-ın yüz milyonlarla dollar dəyərində təxmin edilən investisiya portfelinə Türkiyə, Sudan, Əlcəzair, Birləşmiş Ərəb Əmirlikləri və başqa yerlərdə fəaliyyət göstərən şirkətlər daxildir.
Xəyal Ramiz