Dağıstanın Xasavyurt bölgəsində 4,4 bal gücündə zəlzələ baş verib.
Ednews xəbər verir ki, bu barədə Rusiya Fövqəladə Hallar Nazirliyinin respublika üzrə baş idarəsinin mətbuat xidməti məlumat yayıb.
Yerli vaxtla saat 10:14-də qeydə alınan zəlzələ 27 km dərinlikdə olub. Qeyd olunub ki, yeraltı təkanlar Xasavyurt şəhərinin və Xasavyurt rayonunun sakinləri tərəfindən hiss olunub.
Tələfat və dağıntı barədə məlumat yoxdur.