“Suriya ABŞ-ın ölkə ərazisinə endirdiyi hava hücumlarını pisləyir və buna haqq qazandıran bəhanələri rədd edir”.
Ednews xəbər verir ki, bu barədə Ərəb Respublikasının Xarici İşlər Nazirliyinin bəyanatında deyilir. Suriya Xarici İşlər Nazirliyinin SANA-ya istinadla verdiyi açıqlamada həmçinin qeyd edilir ki, Dəməşq “Amerika administrasiyasının bu hücuma haqq qazandırmaq üçün irəli sürdüyü bütün bəhanələri və yalanları” qəti şəkildə rədd edir.
Qeyd edək ki, Suriya Müdafiə Nazirliyi ABŞ-ın ölkədəki hədəflərə endirdiyi aviazərbələrin mülki əhalinin və hərbçilərin ölümünə səbəb olduğunu bildirib.
Xatırladaq ki, ABŞ Prezidenti Cozef Bayden Yaxın Şərqdə İslam İnqilabı Keşikçiləri Korpusu (Sepah) və onlarla əlaqəli silahlılara qarşı hərbi əməliyyata başladığını elan edib.
.png)
