ABŞ-da fəaliyyət göstərən maliyyə xidmətləri şirkətləri Visa və Mastercard, ABŞ-da kredit və debet kartı haqlarını məhdudlaşdıracaq və pərakəndə satış şirkətlərinə təqribən 30 milyard dollar qənaət edəcək antiinhisar razılaşması əldə etdiklərini açıqladılar.
Ednews bloomberght.com-a istinadən xəbər verir ki, visa tərəfindən edilən açıqlamada, təxminən 20 illik məhkəmə çəkişmələrindən sonra şirkətin yüzdə 90-dan çoxu kiçik biznes olan pərakəndə satış şirkətləri ilə kredit və debet kartı haqlarının azaldılması və rüsumların məhdudlaşdırılması ilə bağlı mühüm razılaşma əldə edildiyi ifadə edildi.
Mastercard tərəfindən edilən açıqlamada şirkətin pərakəndə satış şirkətləri ilə kredit kartı haqlarının minimum 5 il azaldılması üçün razılığa gəldiyi qeyd edilib.
ABŞ mətbuatında yer alan xəbərlərdə deyilir ki, saziş pərakəndə satışçılara beş il ərzində təqribən 30 milyard dollar qənaət edəcək.
Antiinhisar müqaviləsi məhkəmə tərəfindən təsdiqlənərsə, 2005-ci ildə ölkə üzrə qaldırılan iddiaların çoxu öz həllini tapacaq.
Xəyal Ramiz
