Rusiya Qərbi Zəngəzur bölgəsində konsulluq açmaq istəyir. İran Qafanda öz konsulluğunu açdı. Belə olduğu təqdirdə Rusiyanın və digər ölkələrin də konsulluq açmaq istəyi yaranıb. Niyə bəzi ölkələrin gözü Azərbaycandan yan keçmir?
Məsələ ilə bağlı politoloq Tural İsmayılov Ednews-a açıqlamasında bildirib ki, Ermənistanda yerləşən mülki missiyanın görülməyən üzü var. Məsələ budur ki, hazırda Ermənistan özəlliklə tarixi Azərbaycan torpaqlarının Qərbi Zəngəzur bölgəsində mülki müşahidə missiyasi adı altında Qərb casu sşəbəkəsi fəal şəkildə təmsil olunur:
“Orada Avropa İttifaqın mülki müşahidə missiyasının təmsil olunmağı, Rusiya da daxil olmaqla İran və s. ölkələri narahat edir. Ona görə də onlar bu narahatlıqlarını aradan qaldırmaq üçün Ermənistana bir sıra təzyiqlər etdilər. Lakin biz faktiki olaraq görürük ki, Ermənistandakı idarəçilər Qərbin imperialist dairələrindən o qədər asılıdırlar ki, edilən bütün tələblərə və etirazlara baxmayaraq hələ də oradakı missiyalarla öz aralarındakı hansısa bir formada sərhəd qoymur. Belə olduğu halda Rusiya və İranın bu bölgə ilə bağlı maraqları daha artır. Ona görə də İran Avropa İttifaqının missiyası orada açılar-açılmaz Qafandakı konsulluq məsələsini təcili sürətdə Ermənistan hakimiyyəti qarşısında qaldırdı. İndi Rusiya Ermənistanda konsulluq açmaq istəyir. Hesab edirəm ki, bütün bunlar Ermənistan ərazisindəki Qərb kəşfiyyatını, Avropa İttifaqı missiyası adı altındakı məlum qurumu neytrallaşdırmağa xidmət edir. Açığı İranın Qafanda konsulluq açmağına razılıq versə də, Ermənistanda olan hakimiyyəti indiki məqamda çox da yaşıl işıq görülmür. Yəni Ermənistan xeyli müddət Rusiyanın Ermənistanda konsulluq açma qərarına qarşı mübarizə göstərəcək”.
Xəyal Ramiz