Bir qrup tələbə və vətəndaş Serbiyanın milli televiziyası RTS-nin binasını daha bir gün mühasirəyə alıb və buna baxmayaraq, televiziya öz işini davam etdirib.
“EDnews” xəbər verir ki , bu barədə Serbiyanın xəbər agentliyi olan Tanjug məlumat yayıb. Bildirilib ki, binanın blokadası Serbiyanın Elektron Media üzrə Tənzimləmə Qurumunun Şurasının üzvləri üçün yeni müsabiqə elan olunana və ya etirazçı tələbələrin tələbi olan RTS bağlanana qədər davam edəcək.
Xatırladaq ki, RTS-nin blokadası aprelin 14-ü axşamdan başlayıb və o vaxtdan vətəndaşlar Belqradın mərkəzindəki televiziya stansiyasının, həmçinin Kosutnjak parkında yerləşən studiyaların girişlərini bağlayıblar. RTS blokadaya görə proqramlaşdırma cədvəlini dəyişmək məcburiyyətində qaldığını açıqlayıb. Yayımçı naməlum şəxslərdən məhkəməyə şikayət edib.
Fatimə Mərdanlı //EDnews
