Avropa İttifaqı ölkələrində və ABŞ-də islamofobiya güclənir.
“EDnews” xəbər verir ki, bunu BMT-nin Sivilizasiyalar Alyansı üzrə ali nümayəndəsi Migel Anxel Moratinos TASS-ın baş direktorunun birinci müavini Mixail Qusmanla müsahibəsində qeyd edib.
"Avropa İttifaqının əsas ölkələrində və hətta ABŞ-də islamofobiya güclənir. Niyə? Çünki İslamın nə olduğu haqqında bilik çatışmır. Çoxlu manipulyasiya və anlaşılmazlıq var. BMT-nin islamofobiyaya qarşı xüsusi elçisi kimi, mənim vəzifəm bütün əsas tərəflərlə işləmək və İslamın nə olduğunu izah etməkdir. İslam da xristianlıq və iudaizm kimi bir dindir. Bu, daxili mənəviyyata gedən yoldur".
Moratinos bildirib ki, hazırda islamofobiyanın güclənməsi faktını gözardı etmək mümkün deyil. Eyni zamanda o, Asiyanın şərqində İslamın inkişaf etdiyi, transformasiya olduğu və yeni reallığa uyğunlaşdığı çoxsaylı müsbət nümunələrin olduğunu vurğulayıb.
