Ukrayna alyans ölkələrinin qırıcıları və hava hücumundan müdafiə sistemləri arasında birbaşa məlumat mübadiləsi üçün NATO platformasının üzvü olub.
"EDnews" xəbər verir ki, bu barədə "Military Watch Magazine" nəşri məlumat verib.
Jurnalistlərin qeyd etdiyi kimi, Ukrayna artıq müasir Qərb silahlarına - o cümlədən "F-16" və "Mirage 2000" qırıcılarına, həmçinin "Patriot" zenit sistemlərinə malikdir. Bu komplekslər məlumatları NATO-nun rəqəmsal platformasına ötürməklə yanaşı, həm də ondan lazımi məlumatları almaq qabiliyyətinə malikdir.
Nəşrin məlumatına görə, platforma döyüş meydanında ümumi məlumatlılığın təmin edilməsində əsas rol oynayır. Bu, həm operativ qərarların qəbulu, həm də müttəfiq ölkələr arasında əlaqələndirilmiş qarşılıqlı fəaliyyət üçün vacibdir.
