FOTO: S-400 zenit-raket kompleksi
ZRK S-400-lardan ibarət ikinci dviziya Krımda döyüş tapşırığının icrasına başlayıb. O Çonqarı və Ukrayna sərhədindəki Armyanskı nəzarət altına alıb.
S-400 zenit-raket kompleksi kosmik məkanda da yerləşən istənilən hədəfi hava hücumu ilə vura bilər.
Elə həmin gündə, Rusiya prezidentinin mətbuat katibi Dmitriy Peskov Krımda S-400-lardan ibarət ikinci dviziyasının yerləşdirməsi haqda məlumatı şərh etmişdi.
Onun sözlərinə görə, Rusiyanın öz təhlükəsizliyini təmin etmək üçün lazımi tədbirləri görməsi kimin üçünsə təhdid olaraq başa düşülməməlidir.
Sistemin məqsədi “Krım üçün təhlükə yaradan Ukrayna hava obyektlərini vaxtında aşkar etmək və zərurət yarandığı təqdirdə məhv etməkdir”.
Ukraynada hesab edirlər ki, Rusiya “bu yolla Ukraynadan təhlükə gəldiyi düşüncəsini yaratmaqla Krım sakinlərini aldatmaq istəyir”. Bunu Ukrayna Müdafiə Nazirliyinin nümayəndəsi Aleksey Çernobay bildirib.
“Ukrayna tərəfdən Krıma heç bir təhlükə gözlənmir. Krım Ukrayna ərazisidir, onun əhalisi – Ukrayna vətəndaşlarıdır. Əksinə, öz yeni növ silahlarını artırmaqla Rusiya Krım və Qara dəniz hövzəsində yerləşən dövlətlər üçün təhlükə daşıyır”, deyə Aleksey Çernobay bildirib.
Belə hesab olunur ki, dviziya Krıma Ukrayna Silahlı Qüvvələrinin Baş qərargah rəisinin müavini İqor Romanenkonun Krım körpüsünün aviasiya, quru və dəniz qoşunlarının raketləri üçün etibarlı olmadığına dair bəyanatından sonra göndərilib.
Ukraynalı politoloq, “Penta” siyasi araşdırmalar Mərkəzinin rəhbəri Vladimir Fesenko Eurasia Diary-ə bildirib ki, Krımın Ukraynaya qaytarılması kiminsə bəyanatından və ya rus raket komplekslərindən (onların sayı və iştirakından) asılı deyil.
Onun fikrincə, Ukrayna Krımı yalnız bir halda, Rusiya SSRİ-nin 1991-ci ildəki vəziyyətində olarsa qaytara bilər.
“Ukrayna Krımı hərbi yolla qaytara bilməz, bu Rusiya ilə böyük müharibə aparmaq və ölkə ərazisinin hamısı da olmasa onun bir hissəsinin itirilməsi təhlükəsini yarada bilər”, ekspert hesab edir.
Fesenko əlavə edərək bildirib ki, general Romanenkonun bəyanatı sadəcə peşəkar hərbçi düşüncəsini əks etdirir.
“Həmçinin, Romanenko hazırda hərbidə xidmət göstərmir. Buna görə də, özünə belə bir “azadlıq” verib. Bu cəhət son 3 ildə Rusiya və Ukrayna arasında və ən azı Donbasda yeni böyük müharibənin başlayacağına dair proqnozlar verən hərbi ekspertlərə (ukraynalı və rus) də aiddir. Bu proqnozlardan heç biri reallaşmayıb”, deyə politoloq fikrini tamamlayıb.
Natalya Quliyeva