Ötən gün Milliyyətçi Xalq Partiyasının sədri Dövlət Baxçalının növbədənkənar seçki tələbinə Türkiyə prezidenti tərəfindən müsbət cavab gəlib. İkili görüşlərin ardınca Türkiyə prezidenti seçkilərin 24 İyun tarixində Milli Məclisin deputat seçkiləri ilə bərabər baş tutacağını vurğuladı. Bəs buna zərurət yaradan faktor nədir?
İlk olaraq, bu sualı cavablandırmaq lazımdır. ”Çıxışı nə üçün Dövlət Baxçalı etdi?”. Bunu aydınlaşdırmaq üçün ilk olaraq, Ərdoğan və Baxçalı əlaqələrini araşdırmaq lazımdır ki, həm partiyaların ideologiyaları həm də, son dövrlərdə əlaqələri çox yaxındır. Razılaşmaya əsasən, İttifaq belə təsis edilib. Bununla yanaşı düşünürəm ki, Dövlət Baxçalının bu erkən seçkini təklif edən tərəf olmasını Dövlət Baxçalının yaşı ilə də əlaqələndirmək olar. Baxçalının 70, Ərdoğanın 64 yaşı var. Düşünürəm ki, bu təklif Ərdoğanın xəbəri olmadan elan edilməyib. Bu hissədə Ərdoğan 2 əsas reaksiyanı yoxlamış oldu ki, bunlardan birincisi xalqın Afrin əməliyyatından sonra Baxçalı və Ərdoğan koalisiyasına reaksiyası, ikincisi isə digər partiyaların fikirləridir. Həqiqətən də, bu özünü çox gözəl doğrultdu. 1. Xalqın etimadı tamdır. 2. Partiyalar etiraz etmədilər.
Erkən seçki regiondakı qarşıdurmadan Türkiyəni qoruyacaq
Fikrimcə, Türkiyə erkən seçimlə, Afrin zəfərini seçkiyə daşımaq istəyir. Biz Türkiyənin Azərbaycanın istifadə etdiyi metodlara müraciət etmiş olduğunu görürük. Məsələn, Azərbaycan regionda baş verən konfliktlərdən dövləti qorumaq və kənar müdaxilənin əngəllənməsi üçün seçkiləri 11 aprel tarixinə keçirtdi. Beləliklə, riskləri və kənar müdaxilələri əngəlləmiş oldu. Məhz Türkiyə bunun gətirdiyi stabilliyi görərək, bu addımı mənimsəmiş oldu.
“Türkiyənin daxili iqtisadi-siyasi problemlərini həll etmək üçün yeni sistemə keçid mütləqdir”
Türkiyə prezidenti son çıxışında bu fikri bildirərək, yaranan problemdən çıxışın sadəcə erkən seçimlə gələcək yeni sistemə keçidlə həllini dəstəklədi.
Düşünürəm ki, bu fikrin səslənməsi bütün problemləri həll etməyəcək. Sadəcə, bu fikri səsləndirərək, xalqı tək çıxış yolunun bu seçkidə olduğuna inandırmağa çalışılır.
Ərdoğan partiyası Baxçalının partiyasına Milli Məclisdə yeni oturacaqlar verəcək
Hal-hazırda Türkiyə Milli Məclisində 550 oturacaqdan 317-si Ərdoğanın partiyasına, 35-i Baxçalının partiyasına aiddir. 2017-ci ildə baş tutan referenduma əsasən Milli Məclisdə 550 oturacaq artırılaraq 600-a yüksəlib. Məhz bu hal mesaj vermiş olur ki, gələcəkdə İttifaqın güclü və aktiv olması üçün, en az 30 oturacaq Baxçalının partiyasına veriləcək. Bu hal Türkiyə və PKK arasında barışıqlıq dövründə də kürdlərin partiyasına verilmişdi.
Partiyalar çox sevinclidir
İlk Kılıçdaroğlu olmaqla, digər əksər partiyalar bu xəbərə çox müsbət yanaşdılar. Bu xəbərin onlar üçün ilk uğur olacağını qeyd edən "İyi Parti
Qərbi Kaspi Universitetinin Tətbiqi Politologiya Mərkəzinin eksperti Yadigar Nağıyev