Eurasia Diary redaksiyası rusiyalı politoloq, tarix elmləri doktoru İqor Pankratenko ilə müsahibəsində Dağlıq Qarabağ münaqişəsi ilə bağlı bir sıra məsələləri müzakirə edib.
Ekspert 27 sentyabrdan bu günədək olan ümumi vəziyyət barədə bunları qeyd etdi:
“Separatçılar və onların havadarlarının (İrəvanın) silahlı təxribatlarını dəf etmək əməliyyatı Azərbaycan ordusunun uğurla davam edən əraziləri işğaldan azad etmə kampaniyasına çevrildi.
İkincisi, "Qarabağın Türkiyə ilə Azərbaycanın dişlərini qıracaq qalaya çevrilib" deyənlərin proqnozları düz çıxmadı, bu da proqnoz verənlərin səviyyəsindən xəbər verir. Bundan əlavə, döyüş meydanında Azərbaycan ordusu düşmən üzərində taktiki və texniki üstünlük nümayiş etdirir. Ermənistan ordusu köhnə qaydada aparılan müharibəyə hazırlaşırdı, ancaq Azərbaycan silahlı qüvvələri müasir müharibə aparmaq qabiliyyətini nümayiş etdirir.
Üçüncüsü, İrəvanın geniş anti-Türkiyə və anti-Azərbaycan koalisiyası yaradılması ümidləri doğrulmadı, eləcə də onu dəstəkləyən beynəlxalq koalisiya qurulacağına dair ümidləri tamamilə boşa çıxdı".
Pankratenkonun tərəflər arasındakı silahlı qarşıdurmanın müddəti və nəticələri barədə hansı proqnoz verə biləcəyi soruşulduqda, o bunu qeyd etdi:
"Proqnoz vermək istəmirəm, çünki bu artıq vacib deyil. Başqa şey daha vacibdir - Azərbaycanın torpaqları işğaldan azad etməsi Cənubi Qafqazda təxminən 30 ildir mövcud olan əvvəlki nizamı pozduğunu açıq və aydın göstərir.
Yeni siyasi gerçəkliyin, yeni xarici sistem oyunçularının və yeni tarazlığın formalaşmasının vaxtı gəlib, bunu dərk etmək lazımdır – kiminsə xoşuna gəlsə də, gəlməsə də".
Azərbaycan və Ermənistan arasındakı hərbi münaqişənin necə həll ediləcəyindən danışan politoloq vurğuladı:
“Bakının hərbi uğurları diplomatik yollarla möhkəmləndirilməlidir.
Digər bir məsələ tərəflərin fərqli imkanlarla danışıqlar masasına oturmasıdır. Artıq Bakı "ərazilər müqabilində sülh" konsepsiyasından çıxış edərək öz şərtlərini diktə edə bilər.
İrəvan belə bir fürsətdən məhrumdur, uduzan tərəfdir və yalnız Fransanın köməyinə ümid edə bilər”.
Redaksiyamız müəyyən şirkətləri öz maraqları naminə işləməyə məcbur edən erməni lobbilərinin davranışlarına diqqət çəkib. Kanada şirkəti olan Bombardier Recreational Products, erməni lobbisinin təzyiqi altında, Türk İHA-ları üçün ehtiyat hissələri tədarük etməkdən imtina edib, eyni zamanda alman təchizatçı şirkətləri. Erməni lobbisi bəzi fransız jurnalistlərə təzyiq göstərdilər və onlar bu təzyiqlər altında yalnız Ermənistanın maraqları naminə çalışırlar. Bununla bağlı Pankratenko bildirdi:
"Kanada Bombardier Recreational Products (BRP) ilə bağlı məsələyə gəlincə, həmıya məlumdur ki, şirkət Kanada səlahiyyətlilərinin təzyiqi altında "özünü ayağından vurmaq" məcburiyyətində qaldı. Qərarın Türk İHA istehsalçıları üçün mühüm nəticələri olmayacaq və belə görünür ki, özləri də bu məhsulları istehsal edə bilərlər.
Almanlara gəldikdə isə, onlar erməni lobbisinin təzyiqlərini dəf edə biləcəklər.
Mediaya gəldikdə isə, erməni diasporası informasiya müharibəsinə xüsusi önəm verir. Burada qorxulu heç nə yoxdur, bir daha mətbuat azadlığı və söz azadlığı ilə bağlı hekayələrin dəyərini görmüş olduq".
Müsahibəmizin sonunda, Ermənistan hərbi rəhbərliyinin erməni əsgərlərinin Azərbaycan ordusuna məxsus hərbi forma geyinməsinə icazə verməsi və eyni zamanda Azərbaycan əsgərlərinin meyitləri ilə təhqiramiz davranışın nümayiş etdirilməsini müzakirə etdik.
Rusiyalı politoloq İqor Pankratenko söhbətin yekununda dedi:
"Burada hər şey çox sadədir. Cəbhədəki vəziyyət nə qədər pisdirsə, erməni təbliğatçıları o qədər aqressiv və kobud olurlar. Artıq o qədər saxta xəbər yayıblar ki, "Azərbaycan əsgərinin formasını geymiş erməni əsgərlər" xəbəri sensasiya deyil.
Məsələ burasındadır ki, bu təbliğatı aparanlar, eyni vaxtda özləri üçün problem yaradırlar. Sonradan erməni əsgərləri özününkülərə “erməni hərbçisinin formasını geymiş Azərbaycan əsgəri” deyə şübhələnərək atəş açanda təəccüblənməsinlər.
Sədrəddin Ağcayev
