Paşinyan Putindən kömək istədimi? | Eurasia Diary - ednews.net

15 İyun, Çərşənbə axşamı


Paşinyan Putindən kömək istədimi?

Analitika A- A A+

Ermənistan Baş Nazir vəzifələrini icra edən Nikol Paşinyan 14 mayda Parlamentdə çıxışı zamanı elan edib ki. Putinlə telefon söhbəti zamanı ondan Azərbaycana qarşı hərbi yardım istəyib. Amma Paşinyanın bu açıqlamasından sonra Kremlin mətbuat katibi Dmitri Peskov Paşinyanın Putindən kömək istəmədiyini bildirib.

Onun sözlərinə görə, Putin Paşinyana üçtərəfli razılaşmaların bütün müddəalarının, ilk növbədə atəşkəsin yerinə yetirilməsinin vacibliyini çatırıb.

“Lakin Ermənistanın baş naziri telefon söhbətində Sünik bölgəsindəki vəziyyətlə əlaqədar Putindən kömək istəməyib. O, sərhəddəki vəziyyətdən narahat olduğunu dedi”, – deyə Peskov bildirib.

Paşinyan yalanının ortaya çıxdığını görüb və ikinci yalana əl atıb. Guya o Azərbaycanın Ermənistanın içərisinə doğru irəlililəməsinin qarşısı alınmadığına görə ikinci dəfə Putinlə danışıb və ikinci telefon söhbəti zamanı Azərbaycana qarşı hərbi kömək istəyib.

Təbii ki, bu da yalandır. Məlumdur ki. Putinlə telefon görüşməsi “şərəfinə” nail olmaq üçün Paşinyan günlərlə növbədə dayanır. Onun bir gündə iki dəfə Putinə zəng etməsi və danışa bilməsi fantastika ilə ciddi məşğul olmasından xəbər verir.

Məsələnin daha maraqlı tərəfi başqa yerdədir. Paşinyan Rusiya Prezidentindən kömək istəmədiyi halda nə üçün Pralamentdə kömək istədiyini vurğulayır?

Deməli o, revanşist erməni siyasətçilərindən fərqli olaraq Azərbaycan ordusunun hərəkətlərinin ədalətli olduğunun fərqindədədir və daxili auditoriyanı sakitləşdirmək üçün yalandan Putinə kömək üçün müraciət etdiyini ermənilərə bəyan edir.

Elə isə bəs Kremlin sözçüsü nədən bu şəkildə Baş Nazir səlahiyyətlərini icra edənin yalanını bütün erməni xalqının üzünə vurdu? O, Paşinyanın kömək istəyib-istəməməsi haqqında məlumatı olmadığını bildirməklə məsələni bağlaya bilərdi?

Belə çıxır ki. Rusiyada Paşinyanın gələcəkdə daha irəli gedərək Rusiya Federasiyası Prezident Vladimir Putin və digər rəhbər şəxslərinin adından  yalançı  bəyanatlar verəcəyindən ehtiyat edərək onu bu cür kobud şəkildə susdurmağı qərara alıblar.

Yaxud, Kremldə də Paşinyan və digər erməni siyasətçilərin yalanından bezib, onları susdurmağın zamanı çatdığını düşünüblər.

Əslində nə baş verir və Paşinyanın Putindən xahiş etdiyi məsələ nədir?

Ermənistan Baş Nazir səlahiyyətlərinin icraçısı Rusiya Federasiyası Prezidenti Vladimir Putinə Ermənistanda  iyunun 20-nə nəzərdə tutulmuş növbədənkənar Parlament seçkisinə qədər Azərbaycanın hücum diplomatiyasına bir az ara verməsini Prezident İlham Əliyevdən xahiş etməsi üçün zəng edib. Telefon söhbəti zamanı Paşinyan Putinə bildirib ki, belə gedərsə, yəni Azərbaycan Paşinyanı və erməniləri gözdən salmaqda davam edərsə, Ermənistanda növbədənkənar Parlament seçkilərinin baş tutması özü sual altındadır, nəinki onun  seçkilərdə qalib gəlməsi. Nikol Putinə etiraf edib ki, Azərbaycan Respublikası Prezidenti İlham Əliyev və Birinci xanım Mehriban Əliyevanın təşəbbüsü və birbaşa nəzarəti altında  Şuşada möhtəşəm “ Xarı Bülbül” festivalının keçirilməsi ermənilərə ən azından 44 günlük müharibədə uğradıqları məğlubiyyət qədər zərbə vurub.

Adını bildirmək istəməyən mənbə Putinin Nikol Paşinyanın xahişini Azərbaycan Respublikası Prezidenti İlham Əliyevə çatdırıb- çatdırmaması barədə məlumatı olmadığını bildirir. Görünən odur ki, bundan sonra da  Azərbaycan və Türkiyənin müəyyən etdiyi xətdən kənara çıxan kimi Paşinyanın başı dərdə girəcək. Onu düşdüyü vəziyyətdən çıxarmaq Rusiyanın da imkanları xaricindədir.

Əlimusa İbrahimov

Politoloq

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...