“Türkiyə müxalifəti iqtidarı şantaj edir” - Hasan Oktay GİZLİ MƏQAMLARDAN DANIŞDI - ednews.net

1 İyul, Cümə

(+994 50) 229-39-11

“Türkiyə müxalifəti iqtidarı şantaj edir” - Hasan Oktay GİZLİ MƏQAMLARDAN DANIŞDI

Analitika A- A A+

Türkiyənin ana müxalifət partiyası olan Cümhuriyyət Xalq Partiyasının (CHP) rəhbəri Kamal Qılıncdaroğlu prezident Rəcəb Tayyib Ərdoğan haqda qalmaqallı iddialarla çıxış edib. Onun sözlərinə görə, prezident Ərdoğan guya gələn seçkilərdə uduzarsa ailəsi və tərəfdaşları ilə birgə ABŞ-a qaçacağını planlaşdırıb. 

Ednews-a açıqlama verən KAFKASAM-ın rəhbəri, türkiyəli politoloq Həsən Oqtay ana müxalifət liderinin bu fikirlərini şantaj adlandırıb. 

Hasan Oktay: Azərbaycanda seçkilər uğurla keçiriləcək - KAFKASSAM -  Kafkasya Stratejik Araştırmalar Merkezi

“Hazırda Türkiyədə müxalifət üçün həssas bir dönəm yaxınlaşır. 2023-cü ildə keçiriləcək seçkilər yaxınlaşdıqca, iqtidar-müxalifət arasında mübahisələr daha da qızışmağa başlayır. Bu mənada, CHP partiyasının rəhbəri Kamal Qılıncdaroğlu hakimiyyətin mövqeyini çaşdırmaq, psixologiyasını darmadağın etmək üçün bu cür iddialarla ictimaiyyət qarşısına çıxır”.

Qeyd edək ki, partiya rəhbəri guya iddiasını doğruldacaq faktların əlində olduğunu deyib. K.Qılıncdaroğlu qeyd edib ki, onun əlində dediklərinə əsas gətirəcək sübutları da var. Politoloqun fikrincə isə Qılıncdaroğlu bu cür addımı ilə gündəmi nəzarətdə saxlamağa çalışır.   

“Türkiyə siyasətində heç bir lider xaricə qaçmaq məcburiyyətində deyil. Türkiyədə ölkəni idarə etdiyi müddət ərzində hər bir lider nöqsanı və ya qüsuru olduğu təqdirdə qanun qarşısında hesab verəcəyini bilir. 

Kamal Qılıncdaroğlunun faktlarla çıxış etməsi özünü bir növ inandırıcı göstərərək seçkilərə qədər prossesləri nəzarətə götürüb idarə etməkdir”.

KAFKASAM-ın rəhbəri həm də müxalifətin hazırki vəziyyətindən də söz açıb. O, müxalifət partiyalarını qarşıdakı seçkilərə hazırlıqsız hesab edib. 

“Hazırda müxalifət çox dağınıq vəziyyətdədir, bir araya gələ bilmir və hətta layiqli namizəd belə ortada yoxdur. Əlində heç bir şey olmadığı bir halda müxalifətin tək bir şansı qalır, o da iqtidarın psixologiyasını dağıtmaq istəyidir. 

Fikrimcə, ana müxalifət bu kimi ajiotaj yaradacaq fikirləri müzakirə etmək yerinə dövlətə dəstək olmalıdır. Əgər Qılıncdaroğlu hakimiyyətə gəlmək istəyirsə, Türkiyənin daxili və siyasi hədəflərini ortaya qoyaraq siyasət qurmalıdır. Əks halda onun atdığı bu addım Türkiyənin həm xarici, həm də daxili siyasəti, habelə, ölkənin iqtisadi vəziyyətini çətin duruma apara bilər”.

Elnur Ənvəroğlu 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...