ABŞ və Avropa İttifaqı son vaxtlar NATO müttəfiqi olan Türkiyə ilə qeyri səmimi davranmağa başlayıb. Bu məsələ həm də İsveçin NATO-ya üzvlüyü prosesində Türkiyənin şərti olan terrorçu ünsürlərin ölkədən çıxarılmaması kimi öhdəliyin yerinə yetirilməməsi ilə gündəmə gəlir.
ABŞ nə üçün Yunanıstanı durmadan silahlandırır?
Qlobal güc dövlətinə çevrilən, habelə münaqişə məslələrində ABŞ və Avropa İttifaqının hər zaman hesablaşdığı Türkiyə, müəyyən səbəblərdən Qərbin şıltaq xəyanətinə məruz qalır. Həmin səbəblərdən biri həm Türkiyənin qüdrətinin artmasına qısqanclıqla yanaşan bəzi siyasi qruplar, həm də onun strateji gücündən qorxan əks qüvvələrdir. Lakin bu onları Türkiyədən uzaqlaşmaq və ya Türkiyəni özlərindən uzaqlaşdırmağa kömək etmir. Əksinə hər zaman onları Türkiyənin qapısını döyməyə məcbur edir.
Türkiyəyə naz edən ABŞ F-16-la bağlı danışıqlar hələ də nəticəsizdir...
Artıq uzun müddətdir ki, Ankara ilə Ağ Ev arasında F-16 qırıcı təyyarələrinin satışı ilə bağlı danışıqlar davam etməkdədir. Hətta Türkiyə bir zaman Vaşinqtonun təklif etdiyi F-16-la bağlı F-35 proqramına qoşulmaq üçün ABŞ-a öncədən 1.4 milyar dollar vəsait ödəyib. Rusiya ilə münasibətlərini bəhanə gətirən ABŞ isə verdiyi sözü yerinə yetirməkdən boyun qaçırır.
Türkiyəni boykot etməyə çalışan Senat, yoxsa bir qrup erməni lobbisi?
ABŞ Türkiyəyə müsbət vədlər verməklə yanaşı Yunanıstana nəinki F-16, hətta F35-lərlə təchiz edir. Şübhəsiz ki, ABŞ bu addımı atarkən imzaladığı bütün sənədlərə ayıq gözlə baxıb. O, Türkiyənin NATO-da 2-ci ən güclü üzv dövlət olduğunu yaxşı bilir. Burada incə ən əsas məqam Türkiyə ilə ABŞ-ı qarşı-qarşıya gətirən Qara Dəniz və Orta Şərqdəki həll oluna bilməyən düyünlərdir. Çünki ABŞ Türkiyəni həm Qara Dənizdə Rusiya ilə üzləşərkən, həm də onun Suriya və İraqda terrora qarşı mübarizədə qarşısında görür.
İsveç NATO-ya qəbul olmaq üçün Ankaranın qapısını döyməlidir...
Rusiyanın Ukraynanı işğal etməsindən sonra İsveç və Finlandiya dövlətləri Vladimir Putinin növbəti hədəfi ola biləcəklərini ehtimalından NATO-ya üzvlük üçün müraciət etdilər. Bu hər iki ölkənin ən çox təşviş keçirdiyi bir məqama çevrildi. Çünki bu arzusuna çatmaq üçün İsveç hökuməti mütləq Ankaranı ziyarət etməli idi və o bunu etdi də...
Türkiyə prezidenti Rəcəb Tayyib Ərdoğan isə Oslo və Helsinkidən onilliklər boyu Türkiyə dövlətinə qarşı terror törədən Kürdüstan Fəhlə Partiyasının (PKK) üzvlərini ekstradisiya etməyi tələb etdi. Çünki İsveç həqiqətən də Türkiyədən minlərlə can alan PKK və YPG terrorçu qüvvələri üçün ən güvənli sığınacaq mərkəzi olub. Bu gün isə o güvən Türkiyə qarşısında peşman olan Qərbin öz qərarı ilə yox edilir.
Elnur Ənvəroğlu
