Dünən–sentyabrın 1-i gecə saat 22:00-da Azərbaycan Respublikasının 28-ci ildir işğal altında qalan Xankəndi şəhərində erməni dığa və axçiklər növbəti kütləvi yürüşə start veriblər.
Eurasia Diary xəbər verir ki, erməni saytlarının yaydığı məlumata görə, qondarma separatçı-terrorçu rejimin “müstəqilliyi”nin 28-ci ildönümünə həsr olunmuş yürüş erməni gənclərin “Qələbə” təşəbbüs qrupunun ideyası əsasında başlanıb. Məqsəd “hər iki erməni respublikasının müstəqilliyini və onların qalibiyyəti”ni vurğulamaqdır. Yürüş iştirakçıları sentyabrın 20-dək Azərbaycan və Ermənistanın 30 şəhərindən keçməyi və aksiyanı İrəvanda başa çatdırmağı planlaşdırıb. (moderator.az)
Bu həftənin sonunadək yürüş qrafik və marşrutu belədir:
1-2 sentyabr – Xankəndi;
2 sentyabr – Hadrut (Xocavənd rayonunda qəsəbə);
2-3 sentyabr – Ağdərə;
2-3 sentyabr – Şuşa;
3-4 sentyabr – Laçın;
4-5 sentyabr – Gorus(Ermənistan);
5 sentyabr - Qafan;
5-6 sentyabr – Kacaran.
