Suriyada İŞİD-in iki lideri öldürüldü | Eurasia Diary - ednews.net

26 May, Çərşənbə axşamı


Suriyada İŞİD-in iki lideri öldürüldü

Münaqişələr A- A A+

İŞİD terror qruplaşmasının iki regional lideri “Suriya Demokratik Qüvvələri” və ABŞ-ın başçılıq etdiyi terrorçuluğa qarşı mübarizə üzrə beynəlxalq koalisiyanın birgə əməliyyatı zamanı öldürülüb.

Bu barədə Birləşmiş Ştatların başçılıq etdiyi ölkələr qrupunun İraqda və Suriyada keçirdiyi “Sarsılmaz qətiyyət” əməliyyatı qərargahının bəyanatında bildirilir.

“Mayın 17-də “Suriya Demokratik Qüvvələri” koalisiya ilə birgə Deyr-ez-Zor əyalətində İŞİD-in mövqelərinə zərbə endirdi. İŞİD-in iki lideri – Əhməd İsa İsmayıl əz-Zavi və Əhməd Abd Məhəmməd Həsəm əl-Cuqayfi bu əməliyyatın gedişatında həlak oldular”, – sənəddə deyilir.

Qeyd edilir ki, terrorçulardan birincisi Bağdadın şimalında qruplaşma üzvləri arasında rəhbərliyin göstərişlərinin yayılması ilə məşğul olub, ikinci şəxs isə silahın əldə olunmasına və digər məsələlərə cavabdehlik daşıyıb.(report)

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...