Bağdad şəhərində törədilən terror aktı nəticəsində ölən və yaralananların sayı açıqlanıb.
Eurasia Diary-nin “Anadolu” agentliyinə istinadən verdiyi xəbərə görə, ilkin məlumata əsasən 13 nəfər ölüb, 19 nəfər yaralanıb.
***
İraqın paytaxtı Bağdad şəhərində terror aktı törədilib.
“Anadolu” agentliyinin verdiyi xəbərə görə, İraq hökumətinə bağlı Bağdad Əməliyyatlar Komandanlığı tərəfindən yayılan yazılı açıqlamada Tayaran Meydanında intihar məqsədli partlayış törədildiyi bildirilib.
Türkiyənin İraqdakı səfir Fatih Yılmaz isə CNN Türk-ə bildirib ki, terrorun İŞİD terrorçuları tərəfindən törədildiyi ehtimal edilir.
Səfir iki böyük partlayış nəticəsində baş verən terror aktında ölənlərin sayının 10-dan, yaralıların sayının isə 20-dən çox olduğu haqda məlumat aldığını deyib.
