Ermənilər Qarabağa qayıtmaq istəmir - BMT-nin araşdırması | Eurasia Diary - ednews.net

19 Aprel, Bazar ertəsi


Ermənilər Qarabağa qayıtmaq istəmir - BMT-nin araşdırması

Münaqişələr A- A A+

Keçən payızda İkinci Qarabağ müharibəsindəki dağıdıcı məğlubiyyətdən sonra bir vaxtlar azərbaycanlı qonşularını həvəslə qovan bir çox Qarabağ ermənisi indi özləri qaçqın vəziyyətinə düşüblər.

Eurasia Diary-nin vestikavkaza.ru-ya istinadən verdiyi məlumata görə, BMT-nin 22 yanvar 2021-ci il tarixli araşdırmasına görə "qaçqınların vəziyyətinə bənzər bir vəziyyətə" düşən ermənilərin 85%-dən çoxu indiki məskunlaşdıqları yerdən heç bir yerə getməyə hazırlaşmır. Yerdə qalan 15%-ə gəldikdə, onlar ya Xankəndinə, Xocavəndə qayıtmağı, ya da Ermənistanın böyük şəhərlərinə köçməyi planlaşdırırlar.

Eyni zamanda, erməni qaçqınlarının 60% -i üçün əsas ərzaq mənbəyi yardımların payına düşür. Qaçqınların təqribən 43 faizinin uşaqları və onları qəbul edən ev sahiblərinin 40% -i təhsil almaq imkanına malik deyillər.

Qaçqınların 73%-dən çoxu, eləcə də ev sahiblərinin 49%-i münaqişənin ərzaq təminatına mənfi təsir göstərdiyini bildirib. Qaçqın ailələrin təxminən 14% -i və ev sahibi ailələrin 11% -i həftədə ən azı bir dəfə ərzaq ala bilmir. Nəticədə, onlar qida rasionunu azaltmaq məcburiyyətində qalırlar.

Xatırladaq ki, Rusiya Müdafiə Nazirliyinin verdiyi rəsmi statistikaya görə, 2020-ci il noyabrın 10-da imzalanan razılaşma çərçivəsində rus sülhməramlılarının yerləşdirilməsinin başlanğıcından bəri 50 mindən çox erməni bölgəyə geri qayıdıb. Mütəxəssislər bu rəqəmin real vəziyyəti əks etdirmədiyini düşünür, çünki bir çox ermənilər yalnız əsas şeyləri götürmək üçün gəliblər və onlar yenidən Ermənistana qayıdırlar. Bunu 20 yanvar 2021-ci ildə BMT-nin sifarişi ilə həyata keçirilmiş başqa bir araşdırma da təsdiqləyir. Qeyd olunur ki, Ermənistan Miqrasiya Xidmətinin rəsmi məlumatlarına görə, ölkəyə Qarabağdan 91 minə yaxın qaçqın gəlib. Müxtəlif təxminlərə görə onlardan yalnız 20 mini geri qayıdıb. Sorğuda iştirak edənlərin təxminən 70%-i ən azı yaxın aylarda bölgəyə qayıtmağı düşünmədiklərini qeyd ediblər.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...