Xəbər verdiyimiz kimi, Xocavənddə yük avtomobili minaya düşüb və 2 nəfər həlak olub. Xocavənddə ikinci mina partlayışı zamanı isə DİN-in 4 əməkdaşı vəfat ediblər.
2020-ci ildə 44 günlük Vətən müharibəsindən indiyə qədər ümumilikdə mina qurbanlarının sayı 314 nəfərə çatıb, onlardan 61 nəfər həlak olub.
Məsələ ilə bağlı Ednews-a Beynəlxalq Avrasiya Mətbuat Fondunun Regional Koordinatoru Ruslan İbrahimbəyli bildirdi ki, Böyük Qayıdışa dəstək olaraq məcburi köçkünlərimizi yaşadıqları qəsəbədə ziyarət edirik. Onlara Qayıdış Proqramına uyğun olaraq mina ilə bağlı maarifləndirmə işləri aparırıq:
“Öz yurd-yuvalarına köçmüş insanlarımızla da görüşürük. Onların yaşadıqları yerdə rahat olmaları üçün maarifləndirmə işləri aparırırq. Bir müddətdir ki, maarifləndirmə işləri uğurla davam edir. Buna baxmayaraq bu gün baş verən mina hadisələri onu göstərdi ki, Qarabağımızın düşməndə qalan hissəsini azad etməliyik və azad etmək məcburiyyətində qalmışıq. Çünki baş verən hadisələr sübut etdi ki, düşmən yenə də məkrli fikirlərindən əl çəkməyib. Onlar yaşadıqları ərazi boyu ərazilərimizi mina ilə çirkəndiriblər. Ona görə də dövlətimiz bu problemin bir dəfəlik qarışısını almaq üçün düzgün addım ataraq anti-terror tədbiri keçirir. Bu çox vacib idi. Azad etdiyimiz əraziləri mina ilə çirkləndirmələrinə baxmayaraq yeni ərazilərin də çirklənməsi ilə məşğuldurlar”.
Oğuz
