Əl – Cəzirənin Qarabağda səfərdə olan müxbiri Osama bin Cavaid canlı efirdə Qarabağla bağlı son vəziyyəti şərh edib.

Ednews xəbər verir ki, Horadiz şəhərindən birbaşa yayıma çıxan müxbir, ötən gün Xankəndidə baş verən partlayış və Qarabağı tərk edən ermənilərlə bağlı fikirlərini izləyiciləri ilə bölüşüb:

“Az öncə xəbər verdiyimiz kimi təxminən 13 minə yaxın erməni ərazini tərk etməkdədir. Hazırda tərk edən ermənilərə nə qədər təzyiq tətbiq edirlər?” – sualına cavab olaraq:

“Hazırda sabit insan axını mövcuddur. Uzaq məsafələrdən minlərlə insandan ibarət sıxlığı görə bilərik. Sərhəddən nisbətən uzaq məsafədən tərk edən bütün şəxslərin avtomobilləri qeydiyyata alınır və daha sonradan getməklərinə icazə verilir. Son 48 saatdır ki, insanlar mütəmadi olaraq ərazini tərk edirlər. Azərbaycan tərəfinin onlara təminat verdiyi bütün öhdəliklərə rəğmən, götürə bildikləri qədər bütün şeyləri götürüb Ermənistana qayıdırlar. Müəyyən qərarların alınması ilə bağlı görüşlər keçirilsə də, ortaq qərar hələ alınmayıb. Ona görə də etnik ermənilər ərazini tərk etməyin daha uyğun olduğunu düşünürlər”.

Daha sonra müxbir ötən gecə Xankəndidə baş verən partlayışın təfərrüatları ilə bağlı məlumat verib. 

“Sərhəddən kənarda bir neçə yanacaq – doldurma məntəqələri yaradılıb. Hələ ki, Xankəndidə baş verən partlayışa səbəb kimi bir şey göstərilməyib, lakin hələlik 20 nəfərin öldüyü və 100 – dən çox şəxsin yaralandığı rəsmi olaraq bildirilib. Yayılan məlumata görə, Azərbaycan hökümətinin səhiyyə yardımı təklifini qəbul etməyən ermənilərə, Azərbaycan Ermənistan Səhiyyə Nazirliyinin helikopterinin Xankəndi şəhərinə gəlməsi üçün hava məkanını açıb. Bütün xidmət sahələri, rus sülhməramlıları və BQXK tərəfindən mütəmadi olaraq yardım üçün fəaliyyətlərini səfərbər edib”.

Müxbir sonda ərazinin silahsızlaşdırılması prosesinin sürətlə getdiyini və Azərbaycan tərəfinin mövqeyini saxlayaraq bütün etnik ermənilərə könüllük prinsipi təqdim etdiyini vurğulayıb.

Əkbər