İsrail Misir sərhədinə yaxın bölgələrə irəliləməyə hazırlaşır.

Ednews "Reuters"ə istinadən xəbər verir ki, bu barədə ölkənin müdafiə naziri Yoav Qallant bildirib.

"İsrail ordusu ötən həftə böyük quru hücumunu gerçəkləşdirib və Xan Yunisdə HƏMAS qüvvələrini sıradan çıxarıb, indi isə Misir sərhədinə yaxın bölgələrə irəliləməyə hazırlaşır. Xan Yunis şəhərində uğur əldə olunub. Hazırda qüvvələri anklavın cənub sərhədindəki Rəfaha doğru irəliləyir".

Qəzzanın 2,3 milyon əhalisinin yarısından çoxu bu bölgədə, əsasən, soyuq və aclıqdan müvəqqəti çadırlarda və ictimai binalarda sığınacaq tapıb.

“Biz Xan Yunisdə öz missiyamızı yerinə yetiririk. İndi isə Rəfaha çataraq bizi təhdid edən terror ünsürlərini məhv edəcəyik”, – Gallant açıqlamasında bildirib.

Eyni zamanda, vasitəçilərdən Qətər və Misir Qəzzanı idarə edən HƏMAS-ın döyüşlərin uzunmüddətli dayandırılmasına müsbət cavab verəcəyinə ümid edir.

Danışıqlara yaxın olan Fələstin rəsmisi “Reuters” agentliyinə bildirib ki, mətn 40 günlük birinci mərhələni nəzərdə tutur, bu müddət ərzində HƏMAS hələ də saxladığı 100-dən çox girov arasında qalan mülki vətəndaşları azad edə bilər. Növbəti mərhələlərdə isə İsrail əsgərləri və ölmüş girovların cəsədləri təhvil veriləcək.

Qeyd edək ki, belə uzun fasilə oktyabrın 7-dən başlayan İsrail-HƏMAS müharibəsi tarixində ilk olacaq.

Əkbər