AP-yə danışan Misir hökuməti mənbələri, İsrail ordusunun Qəzzanın Rəfah qəsəbəsinə girəcəyi təqdirdə İsraillə Kemp Devid Sülh Müqaviləsi dayandırılacağını bildirib.

Ednews tr.euronews-a istnadən xəbər verir k, iki yüksək rütbəli Misir rəsmisi və bir Qərb diplomatına əsaslanaraq Qahirə sərhəd qəsəbəsində mümkün münaqişələrin bölgədəki əsas humanitar yardım qapısının bağlanmasına səbəb ola biləcəyi barədə xəbərdarlıq edib.

Misirin yarım əsrə yaxındır regional sabitliyin təməl daşı olan Kemp Devid razılaşmasını dayandırmaq barədə xəbərdarlığı İsrailin baş naziri Benyamin Netanyahunun HƏMAS-a qarşı müharibədə “qalib gəlmək” üçün Rəfaha qoşun göndərməyin zəruri olduğunu deməsindən sonraya təsadüf edib. İsrail və Misir 1970-ci illərin sonlarında ABŞ-ın o zamankı prezidenti Cimmi Karterin vasitəçiliyi ilə əlamətdar Kemp Devid sazişini imzalamadan əvvəl beş müharibə aparıb.

Müqaviləyə sərhədin hər iki tərəfində qüvvələrin yerləşdirilməsini tənzimləyən bir neçə müddəa var.

Misir 5 kilometrlik bufer zonası yaradaraq, yerin üstündə və altında beton divarlar tikərək Qəzza ilə sərhədini xeyli gücləndirib. 

İsrailin HƏMAS-ın sərhəd altında qaçaqmalçılıq tunelləri işlətdiyinə dair iddialarını rədd edən Misir Misir qüvvələrinin onların tərəfində tam nəzarətə malik olduğunu bildirir.

Qətər, Səudiyyə Ərəbistanı və digər ölkələr də İsrailin Rəfaha daxil olmasının ciddi nəticələrinin olacağı barədə xəbərdarlıq ediblər.

Ağ Ev həmçinin hazırkı şəraitdə Rəfahda quru əməliyyatı keçirməmək barədə xəbərdarlıq edərək, bunun mülki şəxslər üçün “fəlakət” olacağını bildirib.

Misir rəsmiləri sərhədin keçəcəyi təqdirdə ordunun Sinay yarımadasına qaçan insanların selinin qarşısını ala bilməyəcəyindən ehtiyatlanır.

Xəyal Ramiz