Qəzza zolağında baş verən hadisələrin işıqlandırılması naminə “İsrail soyqırımları” adlı internet saytı yaradılıb.

Ednews xəbər verir ki, vebsaytın İsrail və HƏMAS qruplaşması arasında baş tutan hərbi qarşdurmanın mülki aspektdən yaratdığı problemləri işıqlandırır.

Burada 10 minlərlə mülki şəxsin faciəli şəkildə həyatlarını itirməsi, yaralanması və itkin düşməsi göstərilir. Xüsusilə qadın və uşaqlara qarşı törədilən zorakılıq aktlarına diqqət yetirilir.

Vebsaytın hədəfi, buradan real məlumat qıtlığı yaşayan şəxslər üçün bir platforma yaratmaq və beynəlxalq müdaxilənin mütləqliyi haqqında məlumatlandırmaq, Fələstin ərazilərinin işğalına və müstəmləkəçiliyinə son qoyulmasına töhfə verməkdir.

Qeyd etmək vacibdir ki, vəziyyət son dərəcə mürəkkəbdir, davam edən münaqişənin əsas səbəbləri və məsuliyyəti ilə bağlı müxtəlif perspektivlər mövcuddur.

Biz ana şüarı sülh olan, Beynəlxalq Avrasiya Mətbuat Fondu Qeyri Hökümət Təşkilatı olaraq Qəzza zolağındakı acıları görür və anlayırıq. Qarabağ bölgəsində də oxşar vəziyyətlərin şahidi olduğumuz üçün bir sülh təşəbbüskarı olaraq bu zorakılıqlara son qoymağa çağırırıq. Biz münaqişələrin davamlı və ədalətli həllinə nail olmaq, siyasi təsirə məruz qalan bütün icmalar üçün sülh və əmin – amanlığı təmin etmək üçün dialoq, diplomatiya və beynəlxalq əməkdaşlığın vacibliyini vurğulayırıq.

Azərbaycan hər zaman sülhün tərəfdarı olub. Biz Beynəlxalq Avrasiya Mətbuat Fondu olaraq bütün xalqları sülhə və əmin-amanlığa çağırırıq!

Sözügedən sayta bu linkdən daxil ola bilərsiniz: https://israel-massacres.com/