Yəməndəki husilər ABŞ-ın 2 hərbi gəmisini və 3 gəmisini vurduqlarını açıqlayıblar.
Ednews sozcu.com-a istinadən xəbər verir ki, Yəməndə İranın dəstəklədiyi husilər Qırmızı dəniz və Hind okeanında ABŞ-ın 2 döyüş gəmisini və 3 gəmisini hədəfə aldıqlarını açıqlayıb.
Husilərin sözçüsü Yəhya Seri Əl-Mesira telekanalında məsələ ilə bağlı açıqlama verib.
Seri açıqlamada ABŞ-a məxsus "Lareqo Çölü" və İsrailə məxsus MSC Mechela gəmilərinin Hind okeanında vurulduğunu bildirib.
Seri, Qırmızı dənizdə iki ABŞ döyüş gəmisinin pilotsuz uçuş aparatları (PUA) tərəfindən tam dəqiqliklə vurulduğunu bildirib.
Husilərin hərəkətlərindən sonra bir çox gəmiçilik şirkəti Qırmızı dənizdəki səyahətlərini dayandırmaq qərarına gəlib.
ABŞ və İngiltərənin Yəməndə nəzarəti altında olan bölgələrə hücumlarından sonra husilər bu iki ölkənin bütün gəmilərini hədəf alacaqlarını açıqlayıblar.
Xəyal
