"HƏMAS liderini öldürən bomba bir neçə ay öncə Tehrandakı qonaq evinə gizli yolla yerləşdirilib"

Ednews xəbər verir ki, bu haqda "The New York Times" yazıb.

Yazıda deyilir: "Yaxın Şərq rəsmilərindən beşinin dediyinə görə, bomba təxminən iki ay əvvəl qonaq evində gizlədilib. Qonaq evi SEPAH tərəfindən idarə və mühafizə olunur.  Qonaq evi Tehranın şimalındakı yüksək səviyyəli məhəllədə Neşat kimi tanınan böyük kompleksin bir hissəsidir".

"Times"-ın araşdırmasına görə, İsmail Həniyənin İranda qaldığı məlum olan güclü mühafizə olunan kompleksdə gizlədilən partlayıcı qurğu onu öldürüb.

Həniyə İran prezidentinin andiçmə mərasimi üçün İranın paytaxtında olub.  Yaxın Şərq rəsmilərinin sözlərinə görə, onun qonaq evindəki otağında olduğu təsdiqləndikdən sonra bomba uzaqdan partladılıb.  Partlayış nəticəsində Həniyə ilə birlikdə onun bir cangüdəni də həlak olub.

Hadisə yerinə gələn İran rəsmiləri hücumun dəqiqliyinin və mürəkkəbliyinin uzaqdan idarə olunan İsrailin 2020-ci ildə İranın aparıcı nüvə alimi Mohsen Fəxrizadəni öldürmək üçün istifadə etdiyi süni intellektli robot silaha bənzər olduğunu qeyd edirlər.

Əkbər Novruz