Ağ Ev iddia edir ki, Kiyev Rusiyanın Kursk şəhərinə hücum planları barədə ona əvvəlcədən məlumat verməyib.
Ednews "TASS"a istinadən xəbər verir ki, bunu Ağ Evin mətbuat katibi Karine Jean-Pierre bildirib.
"Bizim bununla heç bir əlaqəmiz, və ya məlumatımız yoxdur. Bu, ukraynalıların öz hərbi əməliyyatlarıdır. Bizim siyasətimiz bununla bağlı dəyişməyib".
"Son iki ildən artıq müddətdə etdiyimiz kimi, görəcəyimiz iş Ukraynaya ehtiyac duyduğu yardımı göstərməyə davam etməkdir"- o əlavə edib.
Xatırladaq ki, Ukrayna qüvvələri avqustun 6-da Kursk vilayətinə böyük hücuma başlayıb. O vaxtdan bəri bölgədə dəfələrlə raket hücumu xəbərdarlığı edilib. Son məlumatlara görə, hücum nəticəsində 12 mülki şəxs həlak olub, 10-u uşaq olmaqla 121 nəfər yaralanıb. Xəstəxanalara 69 nəfər daxil olub. Onlardan 17-nin vəziyyəti ağırdır.
Əkbər Novruz
