İran və Qətərin xarici işlər nazirləri arasında telefon danışığında Qəzza zolağında atəşkəs razılaşması da daxil olmaqla regionda baş verən son hadisələr müzakirə edilib.
“EDnyus” xəbər verir ki, məlumatı “Mehr” agentliyi yayıb.
Bildirilib ki, İran XİN başçısı Abbas Əraqçi və qətərli həmkarı Şeyx Məhəmməd bin Abdulrəhman bin Cassim əl Tani tərəfləri qarşılıqlı maraq doğuran məsələləri də müzakirə ediblər.
İranlı nazir atəşkəslə bağlı əldə olunan razılaşmanı yüksək qiymətləndirib.
Əl Tani həmkarını atəşkəslə bağlı danışıqların gedişi barədə məlumatlandırıb.
Qeyd edək ki, yanvarın 15-də ABŞ, Misir və Qətərin iştirakı ilə Qəzza zolağında atəşkəsə dair HƏMAS-la İsrail arasında razılaşma əldə olunub. Bu rejim yanvarın 19-da qüvvəyə minəcək və 42 gün sürəcək.
