Bakıda YARAT Müasir İncəsənət Mərkəzində Azərbaycan və Fransadan olan musiqiçilərin ifasında "Muğam Soul" axşamı keçirilib.
Tədbir Fransanın Azərbaycandakı səfirliyi və Bakıdakı Fransız İnstitutu tərəfindən 1-14 aprel tarixlərində Frankofoniya həftəsi çərçivəsində təşkil olunub.
Konsert proqramında muğam ifaçısı, beynəlxalq müsabiqələrin qalibi Qoçaq Əsgərov və tanınmış fransız cazmeni Pyer de Treqom çıxış ediblər. Sənətkarlar ifa edərkən onları Elnur Mikayılov (kamança), Kamran Kərimov (nağara), İbrahim Babayev (tar) və Vasif Hüseynzadə (fortepiano) müşayiət edib.
Muğam axşamında 2017-ci ildə İtaliyada nümayiş olunan "Mugham Souls" albomundan mahnılar səsləndirilib. Diskin təqdimatı 2017-ci ilin noyabr ayında Parisin Saint-Julien-le-Povre şəhərində keçirilib. Albomun yaradıması təşəbbüsü və təşkilatçılıq - musiqiçi, UNESCO-nun eksperti, əməkdar incəsənət xadimi Sənubər Bağırovaya məxsusdur.
Konsert proqramında Qoçaq Əsgərov və Pyer de Treqomanın birlikdə çıxış ediblər. Onlar daha əvvəl Bakı və Parisdə çıxış etmişdilər. Pyer de Treqoman muğam sənətini 2016-cı ildə Qoçaq Əsgərovdan öyrənib. Bu dostluq və eyni zamanda peşəkar tanışlıq nəticəsində iki musiqiçi öz şəxsi kompozisiyalarından və improvizasiyalarından ibarət ənənəvi muğam üslubunda repertuar yaradırlar. Duet dördüncü ildir ki, Bakıda çıxış edir.
Azərbaycanlı müğənni Qoçaq Əsgərov və fransız cazmeni Pyer de Treqoman Eurasia Diary-ə təəssüratlarını bölüşüblər.
Qoçaq Əsgərov: "Pyerlə bizim ilk iki konsertimiz Muğam Mərkəzində keçirilib. Bu Yarat Mərkəzində ikinci çıxışımızdır.
Bu gün ifa etdiyimiz albomun təqdimatı 2017-ci ilin noyabr ayında Fransada keçirilib. Düşünürəm ki, Azərbaycan muğamının Fransız musiqisi ilə sintezi idealdır. Gələcək layihələrimizdə bir neçə albom buraxmağı planlaşdırırıq. Təxminən üç il sonra, Pyerlə birlikdə ikinci albomumuzu buraxmaq istəyirik. Bizi bir sıra dövlətlərə səfərlər gözləyir. İyun ayında Pyerin vətəni Fransada konsert verməyi planlaşdırırıq. Sonra biz İsveçrə, Çin və bir sıra ərəb ölkələri ndə konsert proqramı ilə çıxış edəcəyik. Ümid edirəm ki, xaricdə verdiyimiz konsertlər də Yarat Mərkəzində olduğu kimi, uğurlu keçəcək.
Pyer de Treqoman: "Muğam - Azərbaycan xalqının milli sərvətidir və Avropada hörmətlə qarşılanır. Azərbaycanın mədəni dəyəri və onun böyük əhəmiyyəti 2003-cü ildə UNESCO kimi nüfuzlu beynəlxalq təşkilat tərəfindən bəşəriyyətin şifahi və qeyri-maddi irsinin "şah əsərlərindən biri elan edilərək milli mədəniyyət, həmçinin, bütün bəşəriyyətin mədəniyyəti üçün yüksək əhəmiyyətə malik olması qəbul edilib.
"Bizim əsas məqsədimiz bu albomla birlikdə səyahət etmək və Azərbaycan muğamının fransız musiqisi ilə sintezini dünyaya nümayiş etdirməkdir. Qoçaqla biz uzun müddətdir ki, bərabər çıxış edirik. Hər dəfə bir yerdə ifa edərkən bir-birimizi daha yaxından tanıyırıq. Bizim repertuarımız improvizasiyaladan ibarətdir. Qoçaqla hər bir çıxışımda mən muğamı daha yaxşı dərk edirəm.
Emil Vəliyev
